ကြယ်စင်လင်းတန်း: June 2013

Friday, June 28, 2013

မြန်မာ×အင်္ဂလိပ်.အင်္ဂလိပ်×မြန်မာ.အဘိဓါန် Download

"တစ်ရှက်က နှစ်ရှက်"

ယနေ့ အချိန်မှာ နည်းပညာတွေ တိုးတက်လာတာနဲ့ အညီ လူငယ်တွေဟာ ကောင်းကျိုးထက် ဆိုးကျိုးကိုသာ အလေးပေး အသုံးပြု နေကြပါပြီ။

အင်တာနက်ပေါ်မှာ ပလူပြန်နေအောင် တင်ထားကြတဲ့ ဓါတ်ပုံတွေ ဗွီဒီယိုဖိုင် တွေဟာ ဆိုရင် မောင်နှင့် နှမတွေ မိဘတွေနဲ့ အတူတူ မကြည့်ရဲအောင် ပါပဲ.....။

ဒါဟာကျွန်တော်တို့ မြန်မာ အမျိုးသမီးတွေ ဖက်ကလည်း အများကြီး လိုအပ် ပါတယ်....။ မြန်မာအမျိုးသမီးတိုင်းကို ကျွန်တော်မ ဆိုလိုပါဘူး။တစ်ချို့ အကျင့်ပျက်နေတဲ့ မိန်း ကလေးတွေ ကိုပြောချင်တာပါ....။

ကျွန်တော်ဇာတ်ကားတစ်ကားကြည့်ဖူးတယ်ဗျ...ကိုလူမင်း ရိုက်ထားတဲ့ ဇာတ်ကားလေးပါ တော်တော်လေး ကောင်းပါတယ်ဗျာ....ဘာဖြစ်လို့လည်းဆိုတော့ သူရိုက်ထားတာလေးဟာအခုခေတ် ဖြစ်နေတဲ့ ဖြစ်ရပ်တွေကို လူငယ်တွေ အထူးသဖြင့် မိန်းကလေးတွေ ဆင်ခြင် စဉ်းစားနိုင်ပြီး

မိမိကိုယ်ကို ထိန်းသိမ်းစောင့်ရှောက်နေနိုင်ဖို့၊ မိမိလူမျိုး၊မိမိဘာသာကို ကာကွယ်ဖို့၊မိမိအသိုင်းအ၀ိုင်း မိမိဆွေမျိုးတွေရဲ့ ဂုဏ်သိက္ခာကို ထိန်းသိမ်းစောင့်ရှောက်ဖို့ ရိုက်ကူးထားတာလို့ကျွန်တော်မြင်ပါတယ်..။

ခုခေတ်မိန်းကလေးတွေ ဖြစ်ပျက်နေတာကို
ရိုက်ထားတာပါ မိန်းကလေးတွေ အွန်လိုင်းပေါ်က လူတွေနဲ့ ချက် ပြီးတော့
အပြင်မှာ တွေ့ဖို့ ခေါ်ပြီး စကားပြော အချိုရည်တွေ တိုက် မုန့်တွေစား ...

ဒါပေမဲ့ အဲဒီမှာ ဇာတ်လမ်းက စတာပဲ အဲဒီ အချိုရည်ထဲမှာ ဆေးတွေထည့်
မိန်းကလေးက ဘာမှ မသိတော့ တည်းခိုးခန်းတွေပါသွား ပြီး မိန်းကလေးတွေ
ဘ၀ပျက်ရတယ် ဘ၀ ပျက်တာက တစ်ခါရှုံးတယ် နောက်ထပ် Video File
ရိုက်ပြီး အင်တာနက်ပေါ်ကို တင်အဲဒီမှာ မိန်းကလေးမှာ တစ်ခါတည်းနဲ့ ဘ၀ ကိုပျက်ရော အဲဒါကို မိဘတွေကသိတော့ မိဘ တွေက ရှက်ပြီး ကိုယ့်ကိုကိုယ့်သတ်သေသွားတယ် .....

အဲဒါပြီးတော့ မိန်းကလေး ကပါ ရှက်ပြီး ကိုယ့်ကိုကိုယ်သတ်သေသွားတယ်...

မိတ်ဆွေတို့ကြည့်စေချင်လို့ပါ..အထူးသဖြင့် မိန်းကလေးတွေပေါ့နော် အဲဒီကားလေးကိုကြည့်ပြီး ကျနော် အစ်မညီမ တွေ သတိပြုနေနိုင်စေရန် နဲ့ အဲဒီလို အဖြစ် ဆိုးမျိုးတွေမဖြစ် ရလေအောင် စေတနာ အပြည့် အ၀ဖြင့် ပြန်မျှဝေ လိုက်ပါတယ် ..

အမေရိကန်ဒေါ်လာ ၄၃.၈ သန်းတန် ပန်းချီကား

ပုံမှာ မြင်တွေ့နေရတဲ့ ပန်းချီကားက နယ်နယ်ရရ မဟုတ်ပါဘူး။ ပြီးခဲ့ တဲ့ မေလ အတွင်းကပဲ အမေရိကန်ဒေါ်လာ ၄၃.၈ သန်းနဲ့ အရောင်း အဝယ် ဖြစ်သွားတဲ့ပန်းချီကား ဖြစ်ပါတယ်။

ရေးဆွဲသူကတော့ ၁၉၇၀ ဇူလိုင်မှာ ကွယ်လွန်သွားတဲ့ ကမ္ဘာကျော် ဆီဆေး ပန်းချီဆရာ Barnett Newman ဖြစ်ပါတယ်။ Abstract expression ပန်းချီ အမျိုးအစား ဖြစ်ပါတယ်။ ပိုင်ဆိုင်ထားသူ မိုက်ခရိုဆော့ဖ် ပူးတွဲ တည်ထောင်သူ Paul Allen က တစ်ဆင့် ပြန်ရောင်းချလိုက် တာ ဖြစ်ပါတယ်။

ဖုန်းထဲမှာပဲ အရောင်းအဝယ်ဖြစ်သွားပြီး အမည်မဖော်လိုသူ စီးပွားရေး လုပ်ငန်းရှင် တစ်ဦးက ဝယ်လိုက်တာ ဖြစ်ပါတယ်။ Paul Allen လည်း အမေရိကန်ဒေါ်လာ ၄၃.၈ သန်း တကယ်ရသွားပါတယ်။ ပန်းချီကား ကတော့ ပုံမှာ မြင်တွေ့ရတဲ့အတိုင်း အပြာရောင်ဆေးခြယ် ကားချပ်မှာ အဖြူရောင် အကြောင်းက ထပ်ခြမ်းခွဲထား ပါတယ်။ ၁၉၇၀ ကျော်က ခေတ်စားတဲ့ Pong ဗီဒီယိုဂိမ်း မျက်နှာပြင် အတိုင်းပါပဲ။

အခြား ကမ္ဘာကျော်ပန်းချီဆရာများဆွဲသော ယင်းကဲ့သို့ အလားတူ Abstract expression ပန်းချီကားများလည်း အမေရိကန်ဒေါ်လာ သန်း ရာနဲ့ချီပြီး လေလံဈေးကွက်မှာ အရောင်းအဝယ် ဖြစ်လျက် ရှိကြောင်း သိရပါတယ်။

ကောင်မလေးတစ်ယောက်ရဲ့ ဝက်ခြံပျောက်နည်း

__________________________________

ကောင်မလေးတစ်ယောက်ဆီက ဒီလိုမက်ဆေ့တစ်စောင်ရတယ်။ ဝက်ခြံကြောင့် အလှပျက်နေသူများအတွက် မျှဝေလိုက်ပါတယ်။

ဟိုင်း အစ်မ
အစ်မ ညီမ ဆေးနည်းလေးတစ်မျိုးပေးချင်လို့ပါ (အလှူလုပ်ချင်တာပါ)
ညီမ wall ပေါ်မှာဆို fri နည်းတော့ နည်းနည်းပဲသိကြမှာ။ အဲဒါ အစ်မ ရေးပေးချင်လားလို့။ ဝက်ခြံကြောင့် အလှပျက်တဲ့သူတွေအတွက်ပါ။ သဘာဝဆေးပေါ့။

ညီမ ဝက်ခြံပေါက်တာ ၅တန်းလောက်ကတည်းကပါ။ ပေါက်လိုက် သက်သာသွားလိုက်နဲ့  အရှင်းမပျောက်ဘူး။ ရန်ကုန်မှာလည်းကုတာ ဆေးနည်းတော်တော် စုံနေပြီ။ Singaporeမှာလည်းကုတာ ဆေးတွေသာ ၆လ လောက်သောက်လိုက်ရတယ်။ တော်တော်တော့ပျောက်ပါတယ်။နည်းနည်းကြာလာရင် ပြန်ပြန်ဖြစ်တယ်။ ဒီဝက်ခြံကြောင့် ငွေတော်တော်ကုန်ပါတယ်။ အဆိုးဆုံးက ပြီးခဲ့တဲ့ May လတုန်းက ညီမမျက်နှာမှာ ဝက်ခြံထက်တောင်ဆိုးပါတယ်.. အဖုကြီးတွေဖြစ်ပြီး အိမ်ပြင်တောင် မထွက်ရဲပါဘူး။ infection တွေဝင်သလိုဖြစ်ပြီး ယားကယား ရဲကရဲ တော်တော်ကြည့်ရဆိုးပါတယ်။ ပြီးတော့ ဆေးခန်းသွားပြီး ပျောက်ချင်စိတ်နဲ့  peeling လုပ်လိုက်တာ ပိုဆိုးလာတယ်။ အိမ်ကို အလုပ်လာလုပ်ပေးတဲ့ ကောင်မလေးက ဆေးနည်းပေးလို့  လုပ်ကြည့်တာ ၄ ရက်လောက်နဲ့ တော်တော်သက်သာသွား တယ်။

ဆေးနည်းက တမာရွက်ကို ရေနဲ့ စင်အောင်ဆေးပြီး( ပိုစိတ်ချချင်ရင်တော့ ဆားရေနဲ့ဆေးပေးပါ or အသီးအအရွက်ဆေးဆပ်ပြာနဲ့ ဆေးပေးပါ)
ပြီးရင် ညက်နေအောင်ထောင်းပြီး မျက်နှာတစ်ခုလုံးပွတ်ပေးပါ။ ဝက်ခြံရှိတဲ့နေရာမှာပုံပေးရင် ပိုကောင်းတယ် အစ်မ။ ကြာကြာထားလေ ကောင်းလေပါ။ ပြီးရင်တော့ မျက်နှာသစ်ပြီး လိမ်းနေကျဆေး လိမ်းလို့ရပါတယ်။ ၁ လတိတိတော့ မှန်မှန်လုပ်ပေးပါ။ အမာရွတ်လေးတွေပါ ပါးပါးလာလိမ့်မယ် အစ်မ။ ဝက်ခြံရှိတဲ့နေရာတွေကတော့ နည်းနည်းယားလိမ့်မယ်။ ပြီးတော့ မျက်နှာသစ်ပြီးရင်လည်း နည်းနည်းနီတာရှိမယ် အစ်မ။ 15mins လောက်နေရင် ပုံမှန်ပြန်ဖြစ်ပါလိမ့်မယ် အစ်မ။

နောက်တစ်နည်းက ညီမမေမေပေးတဲ့နည်းပါ။ တမာရွက်ကိုပြုတ်ပြီး အအေးခံပြီး မျက်နှာသစ်ပါ။ ညီမကတော့ ၃ ရက်လောက်လုပ်လိုက်ပါတယ်။ နှစ်မျိုးလုံးဆို
ဝက်ခြံများတဲ့သူအတွက်ပို ထိရောက်ပါတယ်။

အားလုံးဝက်ခြံကင်းစင်တဲ့ မျက်နှာပိုင်ဆိုင်နိုင်ကြပါစေ

ပါရမီ ပါသော်လည်း တရား မရနိုင်သော သူ မဖြစ်ပါစေနှင့်

ယခုတစ်လော ဓမ္မဆောင်းပါး ဖတ်သူ တချို့တလေ က ဓမ္မရေးရာ ဆွေးနွေး လိုသည်များကို ကျွန်တော့်ထံ နည်းလမ်း အမျိုးမျိုး နှင့်ဆက်သွယ်မေးမြန်းလာကြပါသည်။

(ထိုသို့ သိလိုသည်များအလွယ်တကူ ဖြေရှင်းပေးနိုင်ရန် ရည်ရွယ်၍ ကျွန်တော် ဓမ္မဆောင်းပါးများရေးသည့်အခါ အောက်ခြေ၌ကျွန်တော် နှင့်ဆက်သွယ်နိုင်မည့်လိပ်စာ၊ဖုန်း၊E.mail၊များထည့်ထား ရခြင်းပင် ဖြစ်ပါ၏။)

ဓမ္မ နှင့်ပတ်သက်လာလျှင် ကျွန်တော် နိုင်စွမ်းသည့်ဘက်မှ ကူညီနိုင်ဖို့အတွက်ပါ။
ကျန်ခဲ့သည့်ရက်ပိုင်းကမူ-

"မဟာဓန သူဋ္ဌေးသား ခမျာ ပါရမီ ပါလျက်သားနဲ့ တရားမရဘူး လို့ မြတ်စွာဘုရား ဟောကြားခဲ့တာကို ကျွန်တော် ဖြင့် ဘ၀င်မကျနိုင်ပါဘူးဗျာရယ်"ဟူ၍ တရားဆွေးနွေးဖော် ဓမ္မမိတ်ဆွေတစ်ဦး မှ မကျေမချမ်း လေသံဖြင့် ဆိုလှာပါ၏။
သူပြောသည့် "မဟာဓန သူဋ္ဌေးသား" အကြောင်း အကျဉ်းချုပ် ကို "ဓမ္မပဒကထာ" ၌လေ့လာ ဖတ်ကြည့်မိသောအခါ-
"မဟာဓန သူဋ္ဌေးသား" သည်-

၁။သူ့ဘက် မှ ကုဋေ(၈၀)၊မယား ဘက်မှ ကုဋေ(၈၀) ပေါင်း ကုဋေ (၁၆၀) ပိုင်ဆိုင်သော သူဋ္ဌေးကြီး။
၂။ဘုရင်၏ ဘဏ္ဍာရေးအတိုင်ပင်ခံဖြစ်၍ နန်းတော်သို့တစ်နေ့ သုံးကြိမ် သွားရောက်၍ ခ စားရခြင်း။
၃။အရက်သမားတို့၏ စည်းရုံးမှု အရ အရက်သမားဘ၀ သို့ ရောက်၍ ပစ္စည်းဥစ္စာ ကုန်ခမ်းရခြင်း။
၎။ နောက်ဆုံး စားစရာပင် မရှိ၍ ခွက်လက်ဆွဲ ကာ တောင်းစားရခြင်း စသည် အချက်များကို အကြမ်းဖျင်းမှတ်သားရပါသည်ပေါ့။
ထို့ကြောင့်ပင် "ဗုဒ္ဓမြတ်စွာဘုရားရှင်"က-

"အာနန္ဒာ-
ဤ "မဟာဓနသူဋ္ဌေးသား" ကိုကြည့်လော့၊
သူသည် "ပထမ အရွယ်"က ကောင်းသောဥစ္စာ ရှာဖွေရင်းနှီးအံ့။
ဤ ဗာရာဏသီပြည်တွင်" ထိပ်တန်း သူဋ္ဌေးကြီး"ဖြစ်မည်။
အကယ်၍ လူ့ဘောင်ကိုစွန့်ခွာ၍ "ရဟန်းဝတ်" ကာ တရားအားထုတ်ပါက "ရဟန္တာ" ဖြစ်မည်။
"မယား" ကား "အနာဂါနမ်" ဖြစ်မည်။
"ဒုတိယအရွယ်"ကျမှ ရှိသမျှ ပစ္စည်းနှင့်ရင်းနှီးပါက
"ဒုတိယ တန်းစားသူဋ္ဌေး"ဖြစ်မည်။
တရားအားထုတ်ပါက "အနာဂါမ်" ဖြစ်ပြီး "မယား" က "သကဒါဂမ်"ဖြစ်မည်။
"တတိယအရွယ်"ကျမှ သတိတရားရပြီး ကျန်ရှိသမျှ ပစ္စည်းကလေးနှင့် ရင်းနှီးပါက
"တတိယတန်းစားသူဋ္ဌေး" တော့ဖြစ်နိုင်၍
တရားအားထုတ်ပါ က "သကဒါဂါမ်" ဖြစ်ကာ "မယား" က "သောတာပန်" ဖြစ်လိမ့်ဦးမည်။
ဣဒါနိပန=ယခုတော့ကား
ဂီဟိဘောဂတောပိ=လူ့ဥစ္စာစီးပွားချမ်းသာမှလည်း
ပရိဟီနော=ပျက်စီးဆုတ်ယုတ်ပြီး
သာမညတောပိ=ရဟန်းဘ၀ အရဟတ္တဖိုလ် မှလည်း
ပရိဟီနော=ပျက်စီးဆုတ်ယုတ်ပြီး
ပရိဟာယိတွာစ=လောကီဥစ္စာ လူချမ်းသာ၊လောကုတ္တရာချမ်းသာ ရဟန်းတရား တို့မှ ပျက်စီးဆုတ်ယုတ်ပြီးရမှာကား
သုက္ခပလ္လလေ=ရေခြောက်ခမ်းနေသော ရွံ့အိုင်နခမ်း၌
ကောဉ္ဇသကုဏောဝိယ=အတောင်ကျိုးကာ ဘယ်မှ မသွားနိုင်၊မပျံနိုင်သော ကြိုးကြာအိုကြီး ကဲ့သို့
ဇာတော=ဖြစ်၏"
ဟု "အရှင်အာနန္ဒာ"ကိုဟောကြားတော်မူခဲ့ပါကြောင်း ဓမ္မပဒကထာ၌ ပါဝင်ပါ၏။

ဤဖော်ပြချက်အရ "ပါရမီ" ပါ, ပါ လျှက် ဘာကြောင့် တရားမရသည် ကိုမြင်သာလောက်ပေပြီ။
နော့ပေတဲ့ ဒိထက် ရှင်းလင်းအောင်တင်ပြခွင့်ပြုစေချင်ပါသေးသည်။ ဓမ္မမိတ်ဆွေ လည်းသိပြီးဖြစ်ပါလိမ့်မည်။ ဒီလိုပါ။
"ဗုဒ္ဓမြတ်စွာဘုရားရှင်" က "အင်္ဂုတ္တရ ပါဠိတော်၊တိက နိပါတ်"တွင် "လူနာ(၃)မျိုး နှင့်တူသည့် ပုဂ္ဂိုလ် (၃)မျိုး"ကို ဤသို့ဟောကြားဖူးပါ၏။

(၁) အချို့သော လူနာ သည် သင့်လျော်သော ဆေးဝါး၊ဓါတ်စာ၊ သူနာပြုစုမှု ရရသည်ဖြစ်စေ၊ မရသည်ဖြစ်စေ
ထို ရောဂါ မှ မပျောက်သော လူနာ။
ထို "ပထမလူနာ" မျိုး သည်-"ပဒပရမ ပုဂ္ဂိုလ်"မျိုး နှင့်တူပါသည်။"ပရမဒ ပုဂ္ဂိုလ်"သည် ဤဘ၀၊ဤကိုယ် ဖြင့် မည်မျှပင်တရားအလုပ် အားထုတ်ပါသော်လည်း ကျွတ်လွတ်ခွင့် မရှိ။
သို့ရာတွင် ဤသို့ အားထုတ်မှု၏ အကြောင်းခံကြောင့် "အနာဂထေ ပစ္စယော ဘ၀ိဿတိ" အရ "ဒုတိယဘ၀" ဤဘုရားရှင် သာသနာ တွင်မှာပင် ကျွတ်လွတ်နိုင်ပါ၏။
( ပိုမိုသဘောပေါက်လွယ်အောင် သာဓက ပြရမည် ဆိုပါလျှင်-"၀ိမာန ၀တ္ထု" မှ "ဆတ္တမာဏ၀ လုလင်ဝတ္ထု","ဖားနတ်သား ၀တ္ထု" နှင့် "မူလပဏာသ" မှ "သစ္စကပရဗိုဇ်" ,တို့ဖြစ်ပါ၏။)

(၂) အချို့သော လူနာ သည် သင့်လျော်သော ဆေးဝါး၊ဓါတ်စာ၊ သူနာပြုစုမှု ရရသည်ဖြစ်စေ၊ မရသည်ဖြစ်စေ
ထို ရောဂါ မှ ပျောက်ကင်းမည့် လူနာ။
ထို "ဒုတိယသူနာ"မျိုးသည်-ရှေးရှေးဘုရားအဆက်ဆက် အထံတော်တွင် "နိယတဗျာဒိတ်" ရပြီးသော ကျိန်းသေ အကျွတ်တရားရမည့် ပုဂ္ဂိုလ်မျိုး ဖြစ်ပါသည်။

(၃) အချို့သော လူနာ သည် သင့်လျော်သော ဆေးဝါး၊ဓါတ်စာ၊ သူနာပြုစုမှု ရလျှင် ထို ရောဂါ မှ ပျောက်၏။
သင့်လျော်သော ဆေးဝါး၊ဓါတ်စာ၊ သူနာပြုစုမှု ထို ရောဂါ မှ မပျောက်ပဲ သေမည့် လူနာ။
ထို "တတိယသူနာ"မျိုးသည်-"နေယျ ပုဂ္ဂိုလ်"မျိုး နှင့်တူပါ၏။ထို ပုဂ္ဂိုလ် သည် "ပါရမီ"လည်းပါ၏။
"မဟာသတိပဋ္ဌာန်နည်း"လည်း မှန်၏။ ထို မှန်သည့်အတိုင်း "သမ္မပ္ပဓာန်,လုံ့လ၀ီရိယ" နှင့်အားထုတ်ပါက တရားရပါမည်။

"တရားကို နည်းလမ်းတကျလည်း မလေ့လာ"-"အားထုတ်မှု လုံ့လ၀ီရိယလည်း မရှိ"ပါက ဤဘ၀ကျွတ်မည့်"ပစ္ဆိမဘ၀ိက ပါရမီ" ပါသော်လည်း လုံးဝ တရားမရနိုင်ပါ။
ဤအကြောင်းအရာ နှင့်ပတ်သက်၍လည်း "ကျေးဇူးရှင် လယ်တီဆရာတော် ဘုရားကြီး"က-
"ယခု ကာလ ၌အများတို့ထင်မှတ်နေကြသည်ကား ပါရမီပြည့်လျှင် ဘုရားသာသနာနှင့်မတွေ့ချင်သော်လည်းမနေရ တွေ့ရမည်မုချ။ မကျွတ်ချင်သော်လည်း မနေရ ကျွတ်ရမည် မုချ ဟု ထင်မှတ်နေကြကုန်၏။ နိယာတ၊အနိယာတရှိသည်ကို သတိမမူကြကုန်။

ဤသို့ပြဆိုခဲ့ပြီးသော ပါဠိ၊အဋ္ဌကထာ တို့ကိုလည်းကောင်း၊ မဟာဓနသူဋ္ဌေးသားဝတ္ထုများကိုလည်းကောင်း ၊ထောက်မြော်၍
ကျွတ်ထိုက်သော ပါရမီရှိကြလေကုန်သော်လည်း အနိယတ နေယျ ပုဂ္ဂိုလ်မျိုးတို့မှာ ကျွတ်လောက်အောင် လုံ့လ၀ီရိယထား၍ အားထုတ်ကြကုန်ကြမှသာ ဤဘုရားသာသနာတော်၌ မဂ်ဖိုလ် ကိုရနိုင်ကြရာ၏။
ကျွတ်ထိုက်သော ပါရမီရှိကြပါကုန်သော်လည်း အားထုတ်မှုလုံ့လ၀ီရိယ ယုတ်လျော့၍ နေခဲ့လျှင် ဤ ဘုရားသာသနာတော်၌ မဂ်ဖိုလ် ကို မရကြကုန် ဟူသော သဘောကိုယုံကြည်စွာ သိအပ်၊မှတ်အပ်၏။" ဟု "ကျေးဇူးရှင် လယ်တီဆရာတော်ဘုရားကြီး၏-ဗောဓိပက္ခိယ ဒီပနီ" တွင် အတိအလင်းရေးထားပါ၏။

စကားမကျန်အောင် ပြောရပါလျှင် "တရားမရစေနိုင်သော အကြောင်းတရား(၂)ပါး"ရှိပါသေးသည်။(မဇ္ဈိမပဏာသ အဋ္ဌကထာ-၇) ဒေသနာတော် အရ ဟုပင်ဆိုရပါမည်ပေါ့။
ထို အကြောင်းတရား(၂)မျိုးမှာ-

"ဗုဒ္ဓမြတ်စွာဘုရားရှင်" ရှေ့မှောက်တော် ၌ တရားနာ နေသူဖြင့်လင့်ကစား
၁။ကိရိယပရိဟာနိယာ (တရားနည်း ခံယူရာ၌ မပြီးမဆုံး ချွတ်ယွင်းမှု)
(ဥပမာ အားဖြင့်- အရှင်သာရိပုတ္တရာ သည် ဓနဉ္စာနိပုဏ္ဏားကြီး အား တရားသွားဟောရာ၌ ပုဏ္ဏားကြီး ခံယူနိုင်သည့် ပရမတ္ထသဘာဝ ကို ဟောညွှန်ပေးလျှင် သောတာပန် ဖြစ်မည်။ ထို အာသယ ကို မဆင်ခြင်မိဘဲ ဗြဟ္မာ ဖြစ်ကြောင်း သမထ မျိုးကိုသာ ဟောမိ၍ သောတာပန် ဖြစ်ခွင့်မရတော့ဘဲ ဗြဟ္မာပြည် သို့ ရောက်သွားရခြင်းမျိုး သည် ကိရိယပရိဟာနိ အပြစ် ဖြစ်သည် ဟု ဆိုနိုင်ပါ၏။)

၂။ ပါပမိတ္တတာယ (မကောင်းသောသူ နှင့် ပေါင်းမိမှု)
(ဥပမာ အားဖြင့်-အဇာတသတ်မင်းသား သည် ပေါင်းမှာသော ဒေ၀ဒတ် ၏စကားကိုနားမထောင်ဘဲ ခမည်းတော် ဗိမ္ဗိသာရမင်းကြီး အား မသတ်လျှင် "သာမညဖလသုတ်"ကို မြတ်စွာဘုရားအထံတော်မှကြားနာရပြီး အဆုံး၌ သောတာပန် ဖြစ်ရမည်ဖြစ်ပါ၏။ယခုမူ-မကောင်းသောမိတ်ဆွေနှင့်ပေါင်းမိ၍အဖ သတ်သောကံ ကိုကျူးလွန်မိသဖြင့် တရားမရသော ပါပမိတ္တတာ အပြစ် ဖြစ်ပါ၏)
ယခု မဟာဓန သူဋ္ဌေးသားသည်လည်း ပါပမိတ္တဟူသော အရက်သမားအပေါင်းအသင်းမှားကာ ဥစ္စာပစ္စည်းကုဋေ(၁၆၀)ကုန်သွားသည့်အပြင် မည်သည့်ပစ္စည်းမျှ မကျန်အောင် အပေါင်းမှား၍ သူတောင်းစား ဖြစ်ခဲ့ရပါ၏။

ဤသည် က နှမြော စရာမကောင်းလှသေးပါ။ တကယ် နှမြောစရာကောင်းလှသည့်ကိစ္စ မှာ-
ဘ၀များစွာ ဒါန၊သီလ စသော ကောင်းမှုအမျိုးမျိုး၊ ၀ဋ်ပြတ်သော ၀ိဝဋမျိုးတို့နှင့် ရင်းနှီးမြုပ်နှံ၍ ပြတ်ပြတ်သားသား ဖြည့်ကျင့်ဆည်းပူးခဲ့ရသည့် ရဟန္တာ ဖြစ်လောက်သည့် ပါရမီ များပင်ဖြစ်ပါသည်။

မိမိ၌အောင်မြင်သော မျိုးစေ့ မည်မျှပင်ရှိနေစေကာမူ ထိုမျိုးစေ့ အပင်ပေါက်ရာပေါက်ကြောင်း မြေ သို့ချခြင်း၊ရေလောင်းခြင်းများ ပြုလုပ်ဆောင်ရွက်ပေးခြင်း မရှိပါက ပုပ်ဆွေးပျက်စီးသွားမည်ဖြစ်ပါ၏။
ထို့ကြောင့် ပါရမီ လည်းရှိပါမှ။လုံ့လ၀ီရိယလည်း စိုက်ထုတ်၍ လွတ်လို၊ကျွတ်လိုသော ဆန္ဒဖြင့်သာလျှင်လုံ့လမယုတ်၊ကြိုးစားအားထုတ်နိုင်ကြပါစေကြောင်း တင်ပြအပ်ပါ၏။
ထုံးစံအတိုင်း- ကြားဖူးနားဝ စာလေးတစ်ပုဒ် ကို ကျွန်တော့်ဘာသာ ပြန်လည်ပြုပြင်၍ ပြန်ပြောပြရပါဦးမည်။
(မူရင်း ကတော့ အခြားအကြောင်းအရာပါ)

"သဗ္ဗာန်သမား"တစ်ယောက်သည် ကူးတို့ဆိပ် တွင် ခရီးသည် မျှော်နေသည် ဆိုပါစို့။
ခဏအကြာတွင် သားသားနားနားဝတ်စားပြီး လက်ဆွဲအိတ်တစ်လုံးဆွဲထားသော လူတစ်ယောက် ရောက်လာသည်။တစ်ဖက်ကမ်းသို့ ပို့ပေးရန် ငှားရမ်းပါသည်။
သဗ္ဗာန် ထွက်ခွာ စ တွင် ထို "ပုဂ္ဂိုလ်" က မေးပါ၏။

"မင်း အဘိဓမ္မာ တတ်သလား "
"သဗ္ဗာန် သမား" က မျက်နှာငယ်လေးဖြင့်-
" သရဏဂုံ (၃)ပါး ကလွဲရင် ဘာ မှမတတ်ဘူး ခင်ဗျာ"
"ခရီးသည် ပညာရှင်ကြီး" က ခေါင်းကိုယမ်းလိုက်ပြီး-
"အင်းး….ခုလို ၀ိမုတ္တိယုဂ္ဂ ခေတ်မှာ အဘိဓမ္မာ မှ မတတ်ရင် လူဖြစ်ရှုံးတာပဲကွ"
"သဗ္ဗာန်သမားလေး"အတော် အားငယ်သွားရှာပါသည်။
ထို"ပုဂ္ဂိုလ်"က ထပ်မံမေးပြန်ပါသည်။
"မင်း ပဋိစ္စသမုပ္ပါဒ် ရော တတ်သလား"
"သြကာသ ဘုရားရှိခိုးတောင် အနိုင်နိုင်ပါ ခင်ဗျာ"
"အင်းး….မင်းတော့ အတော် သနားစဖွယ်ကောင်းနေရော့ပြီ ကွယ့်"
"ဟုတ်ကဲ့ ကိုယ့်ကိုယ်ကိုယ်လည်း ရေးတေးတေး ရိပ်မိပါတယ် ခင်ဗျာ"

မြစ်လယ် သို့ ရောက်သောအခါတွင် ကောင်းကင်းတစ်ပြင်လုံး အုံ့မှိုင်းပြီးနီရဲလာသည်ကိုတွေ့ရ၏။
"သဗ္ဗာန်သမား" က-
"မုန်တိုင်း တိုက်တော့မယ် ခင်ဗျ"
"ခရီသည် ပညာရှင်ကြီး" က ထိတ်လန့်တကြားဖြင့်-
"ဒုက္ခပဲ ငါ ရေမကူးတတ်ဘူးကွ၊ ဘယ်လိုလုပ်ကြမလဲ"
"သဗ္ဗာန်သမား"က ကောင်းကင် ကိုမော့ကြည့်ပြီး-
"လေမုန်တိုင်း က အဘိဓမ္မာ နဲ့ ပဋိစ္စသမုပ္ပါဒ် မတတ်တော့လည်း ခက်သားကလား ဗျ" ဟု ရေရွတ်သည်ဆို၏။
တွေးသာ ကြည့်ပါတော့ ခင်ဗျာ။

ရေးသားပြီးစီး။ ။ ၁၃၇၄၅ခုနှစ်၊၊နယုန်လဆုတ်(၄)ရက်၊(၂၇-၆-၂၀၁၃)ရက်နေ့၊ဗုဒ္ဓဟူးနေ့- (နေ့လည် -၁၀း ၄၀)
ချမ်းသာပါစေ၊အေးငြိမ်းပါစေ၊
သံသရာဝဋ်ဆင်းရဲမှ..လွတ်မြောက်ကြပါစေ။
ဘ၀တုသဗ္ဗမင်္ဂလံ
သင့် ကလျာဏ မိတ္တ
(ည.ည.တ)

မုံရွာကွန်ပျူတာတက္ကသိုလ်အနီးရှိ ကေတီဗွီနှင့်မာဆက်ဆိုင်ရှေ့တွင် လမ်းသွားလမ်းလာများအား ရန်ရှာရာမှ အုပ်စုဖွဲ့ရိုက်ပွဲဖြစ်

မုံရွာကွန်ပျူတာတက္ကသိုလ်အနီးရှိ ကေတီဗွီနှင့်မာဆက်ဆိုင်သို့ လာရောက်သောက်စားသော လူအုပ်စုတစ်စုမှ (၁၆.၆.၂၀၁၃)နေ့ ည ၁၁ နာရီဝန်းကျင်ခန့်က အရက်အလွန်အကျွံမူးအောင် သောက်ကြပြီးနောက် ဆိုင်ရှေ့သို့ထွက်ကာ လမ်းပေါ်တွင်သွားလာနေသော ဆိုင်ကယ်စီးသူများအား တားဆီးနှောင့်ယှက်ရာမှတစ်ဆင့် လူငယ်အုပ်စု တစ်စုနှင့်တွေ့ကာ အပြန်အလှန် ရိုက်နှက်ကြရာမှ တစ်ဦးဒဏ်ရာရရှိသွားကြောင်း သိရသည်။

"ဒါများ အဆန်းလုပ်ပြီး ဖုန်းဆက်ပြီးမေးနေရသေးတယ်၊ အဲဒီ ကေတီဗွီမာဆက်နားမှာ အဲဒီလိုရိုက်မှုတွေ၊ ဆိုင်ကယ်အက်စီးဒင့်တွေက ခဏခဏ ဖြစ်နေတာပဲ။ ဆိုင်မှာ လာသောက်စားကြ၊ ပြီးရင် လမ်းသွားလမ်းတွေပါ မချန် ပြဿနာလိုက်ရှာတာ ရန်တွေဖြစ်တာက ရိုးနေပါပြီ။ ဒါ ရပ်ကွက်ထဲမှာ ကေတီဗွီ၊မာဆက်တွေ ဖွင့်ခွင့်ပေးလို့ ဖြစ်လာတဲ့ အကျိုးဆက်တွေပဲ" ဟု မြို့သစ်ရပ်ကွက်တွင် နေထိုင်သူတစ်ဦးက ပြောကြားသည်။

"အဆောင်က ကျောင်းသားတွေဆိုရင် အဲဒီကို ခဏခဏသွားကြတယ်၊ အိမ်ကပို့သမျှ ပိုက်ဆံလည်း အဲဒီ ကေတီဗွီသွားတာနဲ့ ကုန်ကြတာပဲ၊ အဲဒီတက္ကသိုလ်နားလေးကဆိုင်က မာဆက်လည်း ရတယ်။အဆောင်လခတောင် ပုံမှန်မပေးနိုင်ဘူး" ဟု ကွန်ပျူတာတက္ကသိုလ်အနီးတွင် ယောကျာ်းလေးဆောင် ဖွင့်လှစ်ထားသူတစ်ဦးက ပြောကြားသည်။

"အရင်တုန်းက ဒီကွန်ပျူတာတက္ကသိုလ်နားမှာ အရက်ဆိုင်လေးတွေရှိတယ်၊ အဲဒါ ကျောင်းဧရိယာနဲ့မလွတ်လို့ဆိုပြီး သက်ဆိုင်ရာက ဖယ်ခိုင်းတယ်၊ ဒါမျိုးကြီး ကျောင်းနားမှာ ဟိန်းထနေအောင် ဖွင့်ထားပြီး အရက်ဘီယာတောင်မကဘူး အထဲမှာမိန်းမပေါင်းများစွာ ရှိနေတဲ့ဆိုင်မျိုးကိုကျ မသိသလိုလုပ်နေတယ်၊ ဒါတောင် ဒီရပ်ကွက်က ၀န်ကြီးချုပ်နေတဲ့ရပ်ကွက်၊ လွှတ်တော်ရှိတဲ့ရပ်ကွက်ဆိုပဲ" ဟု ရပ်ကွက်သားတစ်ဦးက ပြောသည်။

အဆိုပါ မြို့သစ်ရပ်ကွက်အပြင် မုံရွာမြို့အနှံ့ ကေတီဗွီ၊ မာဆက်အတော်များများကို ဖွင့်လှစ်ထားကာ သူ၏ နောက်ကွယ်တွင် အနောက်မြောက်တိုင်း စစ်ဌာချုပ်မှ အငြိမ်းစားဗိုလ်မှူးတစ်ဦးက ကျောထောက်နောက်ခံ ပြုထားကြောင်း၊ အခြား ရှယ်ယာဝင်များလည်း ပါဝင်ကြောင်း သူနှင့်နီးစပ်ရာ အသိုင်းအ၀ိုင်းမှ သိရသည်။

မြို့သစ်ရပ်ကွက်နှင့် အခြား မုံရွာမြို့အနှံ့တွင်ရှိသော အခြား ကေတီဗွီ၊မာဆက်များမှာလည်း ဗိုလ်မှူး၊ ဗိုလ်ကြီးစသည်ဖြင့် ဗိုလ်များနှင့် မကင်းရာမကင်းကြောင်းများ ဖြစ်ကြောင်း၊ အချို့မှာလည်း အာဏာပိုင်များနှင့် နီးစပ်သူများဖြစ်ကြောင်း၊ စစ်ကိုင်းတိုင်းဒေသကြီး၏ ဒီမိုကရေစီပြယုဂ်ဖြစ်သော လွှတ်တော်ကြီး တည်ရှိရာ မြို့သစ်ရပ်ကွက်သည် ဖာရပ်ကွက်ကဲ့သို့ ဖြစ်နေကြောင်း၊ ရပ်ကွက်သူရပ်ကွက်သားများမှာလည်း ညည်းတွားအပြစ်တင်လျက်ရှိကြကြောင်းကိုလည်း သိရသည်။

ကေတီဗွီ၊ မာဆက်ဖွင့်ပြီး စီးပွားရေးသမားများ၏ အကွက်ရှာ ငွေကြေးရှာဖွေမှုများကို ခွင့်ပြုထားသောကြောင့် တက္ကသိုလ်ကျောင်းသားများ၏ ပညာရေး စိတ်မ၀င်စားနိုင်တော့သော အခြေအနေ၊ ၊ ရပ်ကွက်နေ မိကောင်းဖခင်သမီးများ ညပိုင်းအပြင်မထွက်ရဲသောအဖြစ်၊ လမ်းတွင် ဆိုင်ကယ်မောင်းရင်းဖြင့် ကိုယ့်အား အမူးသမားများက တားဆီးပြီး ပြဿနာရှာ ရန်လုပ်မည်ကို စိုးရိမ်နေရသောအဖြစ် စသည်ဖြင့် စိုးရိမ်စိတ်၊ကြောက်ရွံ့စိတ်များစွာသည် ရပ်ကွက်အတွင်းတွင် ရိုးသားအေးဆေးနေထိုင်ကြသော ပြည်သူလူထုများထံသို့ စိမ့်ဝင်ရောက်ရှိနေသည်မှာလည်း ကြာမြင့်ခဲ့ပြီဖြစ်သည်။

ကေတီဗွီ၊မာဆက်သွားရမှတစ်ဆင့် ထိတွေ့သာယာမှုများကြောင့် စွဲလမ်းသွားသည့် ယောကျာ်းဖြစ်သူကြောင့် ဒူးနှင့်မျက်ရည်သုတ်နေရသော အိမ်မှာကျန်ခဲ့သည့် မယားကြီးများ၊ ဖခင်၏ အငွေ့အသက်ကို မရရှိသည်မှာ ကြာပြီဖြစ်ကြသော ကလေးငယ်လေးများ၊ ပျောက်ဆုံးသွားသော မိသားစု ညစာများ၊ မှိုင်းမိရာမှတစ်ဆင့် ညတင်မက နေ့ခင်းပိုင်းတွေထိပါ လာရောက်စားသောက် ပျော်ပါးရာမှတစ်ဆင့် လူမှုရေး၊စီးပွားရေး ချွတ်ခြုံကျသွားကြသူများ၊ ငါ့မှာလည်း ပိုက်ဆံရှိတဲ့တစ်နေ့ ဒါမျိုးသွားပြီး ကဲလိုက်ဦးမယ်ဟု တေးမှတ်ထားသော အခြေခံလူတန်းစားများ၊ ထိုနေရာမှာ ပျော်ပါးနေသူများမှာ ငွေရေးကြေးရေး များစွာအဆင်ပြေနေသောကြောင့် လာရောက်သည်ကို သတိမထားမိဘဲ မိမိ၏လစာငွေလေးကို တစ်ညတည်းဖြင့် ကုန်အောင် ဖြုန်းမိရှာသော အတုခိုးမှား အပျော်ရှာမိသည့် လခစားလေးများ၊
စူးစမ်းချင်စိတ်အရှိဆုံး အတုမြင်အတတ်သင်လွယ်သည့် ဆယ်ကျော်သက်ကလေးမလေးများ၏ မြင်ကွင်းတွင် မြင်တွေ့နေရသည်မှာ ဆံပင်နီများဆိုးထားသော၊ မိတ်ကပ်ဖွေးနေအောင် လိမ်းထားသော၊ အ၀တ်အစား အကောင်းစားများအား ဖက်ရှင်ကျကျ ၀တ်စားထားကာ ငါးထောင်တန်အုပ်လိုက် ကိုင်သုံးနေသော မော်ဒယ်မြင့်ဖုန်းများ ကိုင်ဆောင်ထားသည့် အမျိုးသမီးငယ်လေးများ အုပ်စုလိုက် ရယ်ကာမောကာ ရှော့ပင်းထွက်နေကြသည့် မြင်ကွင်းသည် အဆိုပါကလေးများ၏ အတုယူစရာ ဖြစ်သွားမည်ဆိုပါက မုံရွာမြို့၏ အနာဂတ်ဆိုသည်မှာ ရင်လေးဖွယ်ရာပင် ဖြစ်တော့သည်။

တက္ကသိုလ်များစွာရှိသော မုံရွာမြို့သို့ လွှတ်ကာ မိမိ၏ သားသမီးကို တက္ကသိုလ်တက်ခိုင်းရမည့် မိဘများအတွက်ဆိုလည်း မုံရွာမြို့သည် ကေတီဗွီ၊ မာဆက် ပေါများရာမြို့၊ ရိုက်ပွဲနှက်ပွဲများ ခဏခဏဖြစ်ရာမြို့၊ ဆိုင်ကယ်အက်စီးဒင့် ခဏခဏဖြစ်ရာမြို့ ဖြစ်နေသည် ဖြစ်တော့ရာ မိမိ၏ သားသမီးအား မုံရွာသို့ ပညာသင်စေလွှတ်ရမည့် အခြားမြို့ရွာမှ မိဘများအတွက်မူ အတော်ပင် ရင်လေးဖွယ်ရာ ဖြစ်ပေတော့သည်။
ThanLarWaddy Times

Thursday, June 27, 2013

songs

Chit Mhar Lar
ချစ်မှာလား

စိုးစန္ဒာထွန်း, ဗညားဟန်

Listen

Chit Thu Doe Minglar Tay
ချစ်သူတို့ရဲ့မင်္ဂလာတေး

ဂရေဟမ်, ဗညားဟန်, ရန်အောင်, ရတနာဦး, လေးလေးဝါး, မီမီဝင်းဖေ, ဟေမာနေ၀င်း

Listen

Gandawin Thit Guita Kabyar
ဂန္တဝင်သစ် ဂီတကဗျာ

ဗညားဟန်, မိုးသက်နိုင်, ပိုင်သက်ကျော်

Listen

Ma Li Kha Chit Thu
မလိခချစ်သူ

ဗညားဟန်

Listen

Mone Yar Za Win A Khan Sat
မုန်းရာဇဝင် အခန်းဆက်

ဗညားဟန်, ရဲထိုက်

Listen

Pan Khway Thaw Moe
ပန်းခြွေသောမိုး

ဗညားဟန်

Listen

Tha Mu Da Ya War So Moe
သမုဒယဝါဆိုမိုး

ဗညားဟန်

Listen

ဗမာပြည်အတွက် ရှာရီရာ လက်ဆောင်ယူလာတဲ့ ၉၆၉ (အပိုင်း ၃)

လူ့ဘောင်တခုတွင် ရွေးချယ်ပိုင်ခွင့်တို့ အထင်အရှား ရှိနေသည့်တိုင်အောင် ဘာမှ ရွေးချယ်စရာ မရှိသလို ဟန်ဆောင် တတ်ကြပါသည်။ ချင့်နိုးဆင်ခြင်ခြင်းကုို သုံးစွဲရမည့်နေရာတွင် ဘယ်လောက်တောင် လက်မခံဖွယ်ကိစ္စဖြစ်နေသည့်တိုင် မစဉ်းစား မဝေဖန်ဘဲ အများလုပ်တာကို ရောယောင် လိုက်နာလက်ခံသော အကျင့်စရိုက်တို့ ဖြစ်ထွန်းတတ်သည်။ ယျေဘုယျအားဖြင့် အများလုပ်တာကို ရောယောင်လိုက်နာသောအကျင့်သည်
လက်ရှိတည်ရှိနေသော ရိုးရာအဆောက် အဦများကို ထိန်းသိမ်းရမည်ဟု ယူတတ်သော သဘောလည်းပါနေတတ်ပြီး ဓလေ့ဟောင်းများနှင့် အလေ့အထဟောင်း များကို ထက်မြက်လှသော လွှသွားနှင့်တိုက်သလို မေးမြန်းစူးစမ်းတတ်သော သန္နိဌိက ဉာဏ်အလင်းမျိုးကို ဒိုင်းထောင် ၍ ကာတတ်ကြလေ၏။

အသေအချာပါပဲ၊ လိင်ကိုကြည့်ပြီး ခွဲခြမ်းနှိမ်ချလေ့ရှိသည့် လူ့ဘောင်တို့တွင် အမျိုးသမီးတို့ကို တန်းတူနေရာမပေးဘဲ ဆက်ဆံမှုမျိုး (ဒါ့ထက်တောင် အကြမ်းဖက်မှုမျိုး) ကဲ့သို့သော ရိုးရာ၏ တဖက်စောင်းနင်း ကိစ္စမျိုး၊ သို့မဟုတ်လည်း (ရှေးရိုးစဉ်ဆက်ကိုက အောက်တန်းကျတဲ့ လူတွေဟု) တခြားလူမျိုးစုများကို ကျောနှိမ်ခွဲခြမ်းမှုမျိုး တို့သည် ထိုလူ့ဘောင် မျိုးတို့တွင် သက်ဆုိုးရှည် ပလွှားနိုင်ရခြင်း၏ အကြောင်းရင်းသည်ကား ထိုလူ့ဘောင်မျိုးက လူတို့သည် အာရုံတွင် အမွေ ရ စွဲထင်နေသော ယုံကြည်မှုတို့ကို မမေးမြန်း မစောကြောဘဲ ချီးပလက်ခံခြင်းကြောင့်ပေတည်း။ စင်စစ် အတိတ်၏ မိုက် မဲသော အကျင့်အကြံများနှင့် အနုမာန စွဲယူထားသော အနှစ်လက္ခဏာတို့ ဟူသည် “ပု ပုစ္ဆာရေယျ မေးရာ၏၊ ဝိ ဝိစာရေ ယျ စူးစမ်းရာ၏” အက္ခရာစွဲသုံး ထုိုနှစ်လုံးကို ထို လူ့ဘောင်တို့ သုံးစွဲလာလိုက်ရုံနှင့်ပင် ဗုံးဗုံးမြေသို့ ပြိုလဲရလိမ့်မည်သာ တည်း။

ပြန်လည် အမှတ်ရထိုက်စကောင်းသည်မှာ ၁၈၇၄ တွင် ပုံနှိပ်သော ဂျွန် စတူးဝပ် မေးလ်၏ မိန်းမတွေကို နှိမ်ထားမှု ပြဿနာကို များစွာသော သူ့ ဗြိတိသျှ စာဖတ်ပရိသတ်တို့က သူ၏ မကောင်းသင်းကွဲ စရိုက်ကို လစ်ဖော်သော သက် သေအထောက်အထားဟု ယူဆကြကုန်၏။ တကယ်မှာလည်း အဲသည် အချိန်တုန်းက အင်္ဂလန် လူ့ဘောင်တွင် သည် သို့ မိန်းမတွေကို ခွဲခြားနှိမ်ချသော ပြဿနာကို စိတ်ဝင်စားမှုမှာ အလွန်နဲပါးရကား ထိုစာအုပ်သည် မေး၏ လက်ရာအား လုံးတွင် ထုတ်ဝေသောသူ အရှုံးပေါ်ခဲ့သော တခုတည်းသော စာအုပ်ပေတည်း ၆။

ဤသို့ ဆိုခဲ့သော်ငြားလည်းပဲ လူမှု အနှစ်လက္ခဏာတစ်ခုကို မစူးစမ်း မဆင်ခြင်ဘဲ လက်ခံမှုသည် အမြဲဆိုသလို ရိုးရာ သမား ဖြစ်လို့သာဆိုသော သဘောမျိုးချည်းသည်လည်း မဟုတ်တတ်။ ပိုဆိုးဝါးတတ်သည်မှာ အဲသလို မစူးစမ်းဘဲ လက်ခံမှုမျိုးက နေပြီး ‘အနှစ်လက္ခဏာတရပ်’ ဆိုသည်ကို အရေးအရာ ပေါ်လာပြီဟု အသစ်တဖန် ဝါးလုံးထိုး ပြန်ဦး တည်မှုမျိုး၊ ဒို့မှာ ဒို့အရေးသစ်တို့ ပေါ်လာပြီဆိုကာ ဆင်ခြင်မှုကင်းမဲ့စွာနှင့် ရွေးချယ်ထားသော ပြန်ဦးတည်မှုမျိုးကို “ထွန်းလင်း ရှာဖွေတွေ့ရှိခြင်း” ဟု ညာဝါးပြီး လူတွေကို ရောင်းစားနိုင်လာခြင်း တို့သည်လည်း ပါဝင်တတ်ပါသည်။ ထိုသို့သော ကိစ္စမျိုးသည် မဟားတရား အကြမ်းဖက်မှုတို့ကို ဆွပေးရာတွင် ခွန်အားကြီးသည့် မိစ္ဆာတန်ခိုးအား ပေတည်း။

အထက်တွင် ကျန်ာဖော်ပြခဲ့သည့် ၁၉၄၀ နှစ်များက အိန္ဒိယတွင် ဖြစ်ပေါ်ခဲ့သော ဟိန္ဒူ မူဆလင် ရုန်းရင်းဆန်ခတ် ရန် ပွဲတို့် ကျနာ်၏ စိတ်ပျက်စဖွယ် မှတ်ဉာဏ်တွင် ထင်လာသည်မှာ ကလေးငယ်တဦး၏ ရှုပ်ထွေးကြောက်ရွံ့နေသော မျက်လုံးများ အကွဲအပြဲ နိုင်ငံရေးတွင် လူထုကြီးသည် အုံလိုက်ကျင်းလိုက်ကို အနှစ်လက္ခဏာ ရွှေ့ပြောင်းစောင်းနင်း သွားမှုများ။ များမြောင်ကြီးမားလှသော လူထုသည် အိန္ဒိယသားဟူသော သွင်ပြင်လက္ခဏာမှ၊ ကုန်းမြေမကြီးသား ဟူ သော သွင်ပြင်လက္ခဏာမှ၊ အာရှတိုက်သား ဟူသော သွင်ပြင်လက္ခဏာမှ သို့မဟုတ်လည်း လူမျိုးနွယ် လူသားဟူသော သွင်ပြင်လက္ခဏာမှ ထိုလက္ခဏာတို့ကို လွှင့်ပစ်လိုက်ပြီးလျှင် နေ့ချင်းညချင်း ဆိုသလို (အမုန်းပင့်တင်) သင်းကွဲ လက္ခ ဏာများ ဖြစ်သော ဟိန္ဒူ၊ မူဆလင်နှင့် ဆိ တည်းဟူသည့် အသိုင်းအဝိုင်း အနှစ်လက္ခဏာများဖြင့်သာ ကိုယ့်ကိုကိုယ် ပိုင်းခြားလာကြပါသည်။ အဲသည် နောက်ကလိုက်လာသည့် လူသတ်ပွဲသည်ကား လူထုသည် ထိုမုန်းတီးရန်စောင်နေ သော အနှစ်လက္ခဏာတို့ကို သွားပြီး ရှာဖွေသွားမိစေရန် သွေးထိုးလှုံ့ဆော်ခံရခြင်း၊ နွားအုပ်ဝှေ့သလို အုပ်လိုက်ဝှေ့လို သော အခြေခံ တိရစ္ဆာန်အုပ်စု အမူအကျင့်မျိုး ပြန်လည်ဖြစ်ပေါ်လာခြင်းတို့ဖြစ်ပြီး ယင်းသို့သော တိရစ္ဆာန် အုပ်စုစရိုက် မင်းမူနိုင်ခဲ့ခြင်းမည်သည် လူထုသည် ထိုသို့ မုန်းတီးရန်စောင်နေသော အတုအယောင် အနှစ်လက္ခဏာတရား တို့ကို အစစ်အမှန် တရားဓမ္မ၏ ဂုဏ်ရည်လုပ်ငန်းစဉ် ဖြစ်သည့် သန္နိဌိက စူးစမ်းဝေဖန်မှု အောက်တွင်ထားပြီး စစ်မေးစောဒနာ ပြု ရမည်ကို မသိပျက်ကွက်ခဲ့ခြင်းကြောင့် ပေတည်း။

စာချပ်။ ။ ကျန်ာတို့တွင် တရားဓမ္မ၏ သန္နိဌိက ဝေဖန်စူးစမ်းသောဂုဏ်ရည်ကို ရာစုနှစ်ဝက်နီးပါး စစ်အာဏာရှင်စနစ်က ချိုးနှိမ်ခံခဲ့ရခြင်းကို သတိချပ်ကြပါကုန်။ စစ်အစိုးရခေတ်တွင် ပေါက်ခဲ့သော ယနေ့ မြန်မာဘုန်းကြီး ပညာရှိဆိုသူတို့သည် ပဒေသရာဇ် စနစ်ဖြစ်ပေမယ့်လည်း နှိုိင်းစာကြည့်လျှင် ယျေဘုယျအားဖြင့် လွတ်လပ်သော ပညာရေးဖြစ်သည့် အင်းဝ ခေတ်က ဗုဒ္ဓဘာသာ ပညာရေးမျိုးတွင် ကြီးပြင်းခဲ့သည့် ရှင်မဟာသီလံ၊ ရှင်မဟာရဌသာရ စသည့် ဆရာတော်များ၏ ကြားနာခဲ့မှု၊ ကြံစည်ခဲ့မှု၊ မေးမြန်းခဲ့မှု၊ စူးစမ်းဆင်ခြင်ခဲ့မှု (သုစိပုဘာ) အလေ့အကျင့်မျိုးတို့နှင့် ရင်းနှီးကျွမ်းဝင်ခြင်း မရှိ၊ သူတို့သည် အာဏာရှင်ခေတ်မှာ ပေခေါက်ချောင်ပိတ်ပြီး အလွတ်မှတ်စာမျိုးကိုသာ သင်အံခဲ့ရသလို အမျိုး၊ ဘာသာ၊ သာသနာ စသော “အတုအယောင် အနှစ်လက္ခဏာ” မှိုင်းလုံးတို့ တိုက်ခံခဲ့ရသည်မှာ အထင်းပါတည်း။

ဟုတ်ကဲ့၊ ညောင်ရမ်းခေတ်သည် ပဒေသရာဇ် ခေတ်ဖြစ်ပေမယ့်လည်း မမိညိုသည် “တောင်တွင်မြင်းမိုရ် ကျွနု်ပ်ဆိုသား” ဟု လွတ်လပ်စွာ ကြွေးကျော်နိုင်ခဲ့ပါ၏။ ထို့အတူ မမိဖြူ သည်လည်း သူနှင့်အပြိုင် “ကျွန်းတွင်ဇဗ္ဗူ ကျွနု်ပ်ဟူသား” ဟု သောင်းတုိုက်ကကြားစေခဲ့သလို ရဟန်းသံဃာများကိုပါ ဆရာနေရာကနေပြီး စာပြပေးနိုင်ခဲ့ပါသည်။ ဘောက်မဲ့ကြောင့် ကနေ့ ဒီမိုကရေစီခေတ်တွင် ဘုန်းကြီးခေါင်းဆောင်ဆိုသူတို့က သင်္ဂါယနာတင်သလို အစည်းအဝေးတွေလုပ်ပြီး “သည်မိန်းမတွေ လင်ယူမတတ်လို့ သာဿနာ ညှိုးနွမ်းမှာမို့လို့ ထောင်ချပစ်ရမည်” ဟု မျိုးစောင့်ဥပဒေကို ပြဋ္ဌာန်းရမည် ဆိုပြီး ဗုဒ္ဓဘာသာ အမျိုးသမီးတွေကို လာပြီးနှိမ်နေတာမျိုးသည် ခေတ်နောက်ပြန်ဆွဲနေသည်လို့ပင် မမည်၊ မိမိတို့တွင် တရားဓမ္မ၏ ဂုဏ်ရည်ကို မကျင့်ကြံမှု၊ နားမလည်မှု၊ ဗုဒ္ဓတရားဆိုင်ရာ အစစ်အမှန် အသိတရား ခေါင်းပါးနေမှုကို မသူ တော်သည် ကိုယ့်ကိုကိုယ်ဖော်နေခြင်းပါတည်း။

ဗုဒ္ဓတရားဆိုင်ရာ အစစ်အမှန် အသိတရား ခေါင်းပါးနေမှု ဆိုတာကို ဆိုပါဦးမည်။ ထိုသို့ “ဗုဒ္ဓဘာသာမများ” အတွက်ဟု ဆိုကာ ၎င်းတို့၏ နှိမ်ချသေးသိမ်သော အမြင်ကို အခြေပြု၍ မျိုးစောင့်ဥပဒေ ပြုလိုသူ ဘုန်းကြီး (ဆိုသူ) တို့သည် သကျသီဟစသော စစ်အစိုးရက ပုံသွင်းခဲ့သည့် ၏သည်မရွေး ကြက်တူရွေးစာအံ စာမေးပွဲများကိုသာ အောင်လာတတ် ပါ၏။ လေ့လာသုံးသပ်ပြီး ထိုးထွင်းသင်ယူနိုင်မှုဘက်မျိုးမှာမူ လွန်စွာ ချို့ငဲ့မွဲတေရကား တကယ့် ဗုဒ္ဓဘာသာ၏ အစဉ် အလာတွင် “ဗုဒ္ဓဘာသာ အမျိုးသမီး” တို့သည် မည်သို့ ဘာသာခြား လင်ယောင်္ကျားတို့အပေါ် ကျယ်ဝန်းမြင့်မြတ်စွာ ကျင့်ကြံခဲ့သလဲ ဆိုတာကို တွေးခေါ်စဉ်းစား ဝေဖန်သင်ယူတတ်သူ သာမန် လူဝတ်ကြောင်တို့လောက်မှပင် နားမလည် တတ်ကြကုန်။

ပမာအားဖြင့် ပြရလျှင် ဘုရားရှင်လက်ထက်တော် အခါက မေတ္တာအရာတွင် ဧတဒင်္ဂဘွဲ့ရ သာမာဝတီ မင်းသမီးသည် ဘာသာခြားဖြစ်သော လင်ဖြစ်သူ ဥတေနမင်းဖြင့် ပေါင်းသင်းပါ၏။ ထိုသို့ ပေါင်းသင်းပေမယ့်လည်း လင်ဖြစ်သူ ဘာသာ ခြားကို ဗုဒ္ဓကို ကိုးကွယ်ပါဟု မတိုက်တွန်းခဲ့။ လင်လည်း သူ ကိုးကွယ်ချင်သောသူကို ကိုးကွယ်၊ သူမလည်း သူမ ကိုး ကွယ်လိုသည့် ဘုရားအမှူးရှိသည့် သံဃာတော်တို့ကို လွတ်လပ်စွာ ကိုးကွယ်သည်သာတည်း။ နောက်ဆုံးတွင် လင်ဖြစ် သူယောင်္ကျားက မလိုဂုံးချောသော မယားငယ်ကြောင့် သူမကို အမြင်မှားပြီး သူမနှင့်တကွသော မောင်းမ ဗုဒ္ဓဘာသာ အမျိုးသမီးတို့ကို သတ်ဖြတ်ရန် လေးတော်တင်ပြီးပစ်ရာတွင် ထုိုဗုဒ္ဓဘာသာ အမျိုးသမီးအားလုံးသည် ဗုဒ္ဓရှင်တော်၏ အဆုံးအမဖြစ်သည့် မေတ္တာကို မပြတ်ပို့သသောအားဖြင့် မျှားတို့သည် မေတ္တာရှင် အမျိုးသမီးတို့အား မခခဲ့။ ထုိုအံ့ဘွယ် သရဲကို မြင်သောအခါ ဥတေနမင်းသည် သာမာဝတီ ခြေရင်းတွင် ရှိခိုးတောင်းပန်ပြီးလျှင် ဗုဒ္ဓဘာသာသို့ ကူးပြောင်းခဲ့ ပါ၏။ သည်မှာ မှတ်ရန်မှာ ငါတို့ ဗုဒ္ဓဘာသာသည် ‘သည်းခံခြင်းဖြင့်သာ’ သာနာပြုခြင်း ဆိုသည်ကို အထူးသိမှတ်စေလို ပါသည်။

လူတဦး၏ ပုဂ္ဂလိက အဝန်းအဝိုင်းကို ထိပါးစော်ကား၍ ဗုဒ္ဓဘာသာသို့ ကူးပြောင်းရမည်ဟု ‘ခြိမ်းခြောက်အကြပ် ကိုင်မှု’ ကို ကျင့်သုံးမှုမျိုးသည် “သွာက္ခာတော” (ဝါ) အစအလယ်အဆုံး ကောင်းသော မြတ်သော တရားဓမ္မ၏ ဂုဏ်ရည်ဖြင့်သာ တည်ထောင်ထားသည့် ဗုဒ္ဓသာသာနာတွင် ဘယ်ခါမှလည်း မရှိခဲ့၊ ဘယ်ခါမှလည်း မရှိနိုင်။ ခြိမ်းခြောက် အကြပ်ကိုင်မှု အာဏာကိုသုံးကာ ဗုဒ္ဓဘာသာခံခိုင်းခြင်းသည် ငါတို့၏ ဗုဒ္ဓတရားကိုယ်တိုင်ကိုက မကောင်းညံ့ဖျင်းလုို့ အဲသလို လုပ်ရ တာလား ဆိုတာကို အဲသည် ဘုန်းကြီးညံ့ဖျင်းတွေကို အင်မတန်မှကို မေးချင်စရာပါတည်း။ အင်း၊ သေးသိမ်ညံ့ဖျင်းသော ဒေဝဒတ်ဆိုတာဟာလည်း တရားမင်းဖြစ်သော မြတ်စွာဘုရားကဲ့သို့ ကောင်းမွန်ကျယ်ပြောသော ကြန်အင်လက္ခဏာ တွေ သူ့မှာမရှိတဲ့အခါ အာဏာရှိတဲ့ ဘုရင်နဲ့ သွားပလူးရတာ မျိုးပေပဲ၊ ဟုတ်ကဲ့ မဟုတ်လား။

သည်မှာ သည်ဘုန်းကြီးတွေက သူတို့၏ ရည်ရွယ်ချက်ကို “ဟေ့၊ ငါတို့က ဗုဒ္ဓဘာသာ အမျိုးသမီးတွေရဲ့ ပုဂ္ဂလိက အဝန်းအဝိုင်းကို သည်ကောင်တွေလာပြီး မထိပါးရလေအောင် စောင့်ရှောက်ဖို့ရည်ရွယ်တာ။ ခြိမ်းခြောက်အကြပ်ကိုင် မှုဆိုတာ သည်လိုစောင့်ရှောက်ဖုို့အတွက် လုပ်ရတာ” ဆိုကာ လုံးထွေးလီဆည်ပြီး ထပ်ပြောနိုင်ပါသည်။ ဟုတ်ကဲ့၊ ဒါမျိုး ပြောလာခဲ့လျှင် ကျနော်ပြန်ဆိုထားသော အကြွင်းမဲ့အခြေခံဥပဒေမှ နှစ်ဆယ်ရာစုခေတ် ကမ္ဘာ့ထိပ်တန်း ဥပဒေတွေး ခေါ်ပညာရှင် ဟိုင်းရက်က ဆုိုမိန့်ခဲ့သော ဂန္ဓဝင် စာသားတပိုဒ်ကို ကိုးကား၍ ကျနာ် တုံ့ပြန်ပါရစေ။

“ခြိမ်းခြောက်အကြပ်ကိုင်မှုကုို လုံးဝ ရှောင်လွဲ၍ရသည်ကား မဟုတ်။ အဘယ်ကြောင့်ဆိုသော် ခြိမ်းခြောက်အကြပ်ကုိုင် မှုကို ဟန့်တားနိုင်ရန် တစ်ခုတည်းသော နည်းလမ်းသည် ခြိမ်းခြောက်အကြပ်ကိုင်မှုနှင့်ပင် ခြိမ်းခြောက်ထားရသော ကြောင့်ပါတည်း။ လွတ်လပ်သော လူ့ဘောင်တို့သည် ဤပြဿနာကို ဖြေရှင်းကြသည်မှာ ခြိမ်းခြောက်အကြပ်ပိုင်ခွင့်ကို လက်ဝါးကြီးအုပ်ပိုင်ခွင့်ကို နိုင်ငံတော်ကိုသာ အပ်နှင်းထားလိုက်ပြီး အဲသည် နိုင်ငံတော်အာဏာဆိုသည်ကို သီးသန့် ပုဂ္ဂိုလ်တို့၏ ခြိမ်းခြောက်အကြပ်ကိုင်မှု ကာကွယ်ရန်လိုအပ်လာသော ကိစ္စတို့တွင်သာ ကျင့်သုံးစေရန် ထိန်းချုပ်ကန့် သတ်ထားဖို့ (ကြိုပြီးတောက်လျှောက်) ကြိုးပမ်းထားခြင်းဖြင့် ပေတည်း။ ဤသို့ အကောင်အထည် ဖော်နိုင်ဖို့ကို ဖြစ်နိုင် ခြေမှာ တမျိုးတစားတည်းသာ ဖြစ်ပါ၏။ ယင်းသည် နိုင်ငံတော်ကနေပြီး လူတဦးချင်းက သိမြင်ပြီးသော သူ့တသီး ပုဂ္ဂလိက စက်ဝန်းကို တပါးသူတို့ လာရောက်မထိပါးစေရန် ကာကွယ်စောင့်ရှောက်ပေးခြင်း ဖြစ်ပြီး သူ့တသီး ပုဂ္ဂလိက စက်ဝန်းဆိုသည်ကို ကန့်သတ်ခြင်းမရှိ ဖွင့်ထားပေးခြင်းပေတည်း။ ထိုနှင့် ဆန့်ကျင်ဘက်သိရမည်မှာကား လူတဦးချင်း ၏ တသီးပုဂ္ဂလ စက်ဝန်းဆိုသည်မှာ ဒါပဲ ဖြစ်ရမည်ဟု နိုင်ငံတော်မှ သီးသန့်သတ်မှတ်ပေးပြီး ကာကွယ်စောင့်ရှောက်ခြင်း မျိုးမှာမူကား မဟုတ်မဟပ် လုပ်ရပ် မုချစင်စစ် ပေတည်း”

အိမ်မက်ဆိုးတွေကနေ နိုးထပေးကြပါတော့ မြန်မာမိန်းကလေးတွေရယ်

*ဟေ့ကောင် ငါဆော်ကို ငါက စင်ကာပူမှာလို့ ပြောထားတာကွ ။ ငါ့ facebook မှာလည်း စင်ကာပူလို့ဘဲ ရေးထားတယ် ။ ဖုန်းဆက်နေတဲ့ စင်ကာပူက ကောင်မလေးကလည်း လာလည်မယ်ပြောတယ် ။ လာလည်ရင်တော့ အေးဆေးဆေး ဟိုတည်ဘဲ သွားတည်းတော့မယ် ။*

ပျံ့လွင့်လာတဲ့ စကားသံတွေက ကိုယ်နဲ့ မဆိုင်ပေမယ့် နားထဲရောက်လာတာမို့ ကြားနေရတယ် ။ ကြားလိုက်မိတော့ ရင်မောပြန်တယ် ။ လူတွေ ရဲ့ အတွေးခေါ် အယူဆတွေ ဘာကြောင့် ဒီလောက်ထိ ပေါ့တန် သိမ်ဖျင်းလာရသလဲ ။ တစ်နေ့ တစ်နေ့ မကြားချင်လည်းကြးနေရတယ် ။ မမြင်ချင်လည်း မြင်နေရတဲ့ မြင်ကွင်းတွေ ၊ အသံတွေကို မုန်းလာသလိုထိ ရင်ထဲမှာ ခံစားလာရတယ်ဆို ပိုလိုက်တာလို့ ပြောကြမလား မသိဘူးနော် ။ ယနေ့ ခေတ်စားလာတဲ့ ချက်တင် ချစ်သူတွေ ၊ ဖုန်းချစ်သူတွေ အဖြစ်ပေါ့ရှင် ။ facebook မှာရေးထားတဲ့ ကိုယ်ရေးအချက်လက်တွေကို ကြည့်ပြီး သူ့ကိုရေးထားတာတွေကို အဟုတ်တွေမှတ်နေကြတဲ့ မြန်မာမိန်းကလေးတွေ ။ ပညာတွေ သင်ထားတာ အလကားမှ မဟုတ်တာဘဲ ။ လေ့လာပါ ၊ တွေးပါ ၊ ဆင်ခြင်ပါ လို့ပြောချင်မိတယ် ။ပြောတိုင်းယုံနေရအောင် ကျွန်မတို့ကို မိဘမွေးထဲက ဦးနှောက်ဆိုတာ ထည့်ပေးထားတယ် ။ ဒါအလကားထားဖို့မှ မဟုတ်တာ ။ ယောကျာင်္းတစ်ယောက်ကို ရွေးချယ်တဲ့ နေရာမှာ သူ့ရောက်နေတဲ့ နိုင်ငံတွေ ၊ သူ့ပိုင်ဆိုင်မှုတွေထက် အဓိကထား ရွေးချယ်ရမယ့် အချက်တွေရှိပါတယ် ။

၁.ယောကျာင်္းတစ်ယောက်ရဲ့ အရည်ချင်း ၊

၂.မိမိချစ်သူအပေါ် စာနာထောက်ထားတတ်မှု ၊

၃. မိမိချစ်သူအပေါ် သစ္စာရှိမှု ၊

၎. မိမိအပေါ် ဦးဆောင် တတမှု ၊

၅.နှမချင်းစာနာစိတ်ရှိခြင်း

၆.ဘာသာတူညီခြင်း၊

၇.ကျွန်မတို့ ဘ၀တွေကို ဘယ်လောက်ထိ လုံင်္ခြုမှုပေးနိုင်ခြင်း

ဆိုတဲ့အချက်တွေကို စံထားရွေးချယ်ရမှာပါ ။ ဘာမဟုတ်တဲ့ အရာတွေနဲ့ မဟုတ်တဲ့ ဂုဏ်ပကာသနတွေကို မက်မောမိရင် ရလာဒ်တွေက အလိမ်အညာတွေနဲ့ဘဲ တွေ့ဆုံနေကြရပါလိမ့်မယ် ။ စင်ကာပူမှာ ရှိရှိ အင်္ဂလန်မှာ ရှိရှိ ဒါတွေက အရေးမကြီးပါဘူး ။ အပေါ်က အချက်တွေနဲ့ ကိုက်ညီမှုရှိဖို့ ပိုအရေးကြီးပါတယ် ။ နိုင်ငံခြားဆိုတိုင်း အထင်မကြီးကြပါနဲ့ မြန်မာမိန်းကလေးတွေရယ်။ မဟုတ်တဲ့ဆိုဒ်မှာ ညီမလေးတို့ မမတို့ vzo ပုံတွေ ပလူပျံနေတာ သက်သေပါဘဲ ။ သေချာဘာမှ မသိတဲ့ ယောကျာင်္းတွေ အပေါ် ချစ်မိသွားလို့ပါဆိုတဲ့ အကြောင်းပြချက်လေး တစ်ခုနဲ မိမိတို့ ဘ၀တွေကို နင်းခြေမခံမိကြပါစေနဲ့ကွယ်။ လူုဖြစ်ရတဲ့ ဘ၀လေးမှာ လူဖြစ်ရကျိုးနက်ဖို့ဆိုတာ သိက္ခာရှိအောင်နေတတ်ဖို့ သိပ်အရေးကြီးပါတယ် ။ အွန်လိုင်းပေါ်က စကားတွေဟာ ယုံတမ်းစကားတွေလား အမှန်တမ်းစကားတွေလားဆိုတာကို ဝေဖန်ခွဲခြားနိုင်ခြင်း မပြုနိုင်ခင်မှာ ဘာကိုမှ မရက်ရောတာ အကောင်းဆုံးပါ ။ ဒါဆို မေးစရာရှိတယ် ။ အွန်းလိုင်းချစ်သူတိုင်းကို မယုံရတော့ဘူးလားလို့ ။ မဆိုလိုပါဘူး ။ တကယ်မေတ္တာစစ်နဲ့ ချစ်ပြီး ဘ၀ကို လက်တွဲသွားကြတဲ့ သူတွေ တပုံတပင်ပါဘဲ ။ ဒီလို လက်တွဲသွားတဲ့အထိ ဖြစ်တဲ့နေရာမှာ ဆုံးဖြတ်ချက်တွေ မှန်ကန်ဖို့ ရွေးချယ်တတ်ဖို့တော့ လိုတယ် ။ အွန်လိုင်းမှာ ချစ်သူဖြစ်ပြီး တာနဲ့ ပုံတွေတင်ကြတော့တာလည်း ခေတ်စားလာသလိုဘဲ ။စကား စပ်မိတုန်းလေး ပြောချင်သေးတယ် ။ မိမိချစ်သူကို ချစ်လို့ ကိုယ်ပိုင်တယ်ဆိုတာကို လူသိအောင် လုပ်ပေမယ့် တကယ်တမ်းမယူဖြစ်တဲ့ အခါမှာ နစ်နာသွားတာ ကျွန်မတို့ မိန်းကလေးတွေပါပဲ ။ နောက်တစ်ခု ချစ်သူဖြစ်ပြီဆိုတာနဲ့ အကောင့် password တွေကိုတောင်းတတ်ကြတာလည်း မိန်းကလေးတော်တော်များများရဲ့ တူညီတဲ့ အချက်ပါပဲ ။ တောင်းတာကို ကျွန်မ အပြစ်မဆိုပါဘူး ။ လိုအပ်တာထက် ပိုတဲ့ ပိုင်စိုးချင်တဲ့ စိတ်တွေက အချိန်တန်တော့ ကိုယ်ကိုဘဲ ဒုက္ခုပြန်ပေးတတ်တယ်ဆိုတာကို ပြောပြချင်တယ် ။ ဟုတ်ပြီ password ရပြီ။ ဖွင့်ကြည့်မယ် ။ ဒီလောက်ဆို လုံလောက်ပြီလေ ။ ဒီထက်ပိုပြီး သူစာမျက်နှာမှာ ကိုယ်ပုံတွေတင်တယ် ။ သူအနေနဲ့ ကိုယ်ကစကားတွေ ၀င်ပြောတာမျိုးကြတော့ အခွင့်ရေးကို အလွဲသုံးစားလုပ်တာနဲ့ တူပါတယ် ။ တဖက်လူကလည်း ခုစကားပြောနေတာ အကောင့်ပိုင်ရှင် ဟုတ်မဟုတ်ဆိုတာကို သိပါတယ် ။ ဒီတော့ တဖြေးဖြေး မိတ်ပျက်စရာတွေ ဖြစ်လာတတ်တယ် ။ အကောင့်ဆိုတာ ကြိုက်သလောက် ထပ်ဖွင့်ရတယ်ဆိုတာကို မေ့မထားစေချင်ဘူး ။ ပေးသိထားတဲ့ အကောင့်ကို လိုအပ်တာထက် ပိုချုပ်ကိုင်လာတဲ့ အခါတွေမှာ အသစ်တွေ ထပ်ဖွင့်သုံးကြတော့တာပါပဲ ။ ဒီတော့ ဘာတွေ လုပ်တယ်ဆိုတာ သိချင်လို့ password တောင်းတယ် ။ နောက်အသစ်ထပ်ဖွင့်သုံးတော့ အလကားဖြစ်နေပြီပေါ့ ။ သူပေးတာကို လိုအပ်တဲ့ အခါလေးပါဘဲ ဖွင့်ကြည့်တာမျိုးဆို သူလည်း စိတ်မညစ်ရဘူး ၊ ကိုယ်သိချင်တာလေးတွေလည်း သိနေရမယ် ။ ယောကျာင်္းလေး အများစုဟာ သိပ်စိတ်ရှုတ်မခံတတ်ကြဘူးဆိုတဲ့ အချက်ကို မေ့မထားကြပါနဲ့ ။ ကဲ အွန်လိုင်းချစ်သူကိစ္စကို ဆက်ရအောင် ။ ဟုတ်ပြီ အွန်လိုင်းမှာ ချစ်သူဖြစ်တယ် ။ တစ်ယောက်အကြောင်းတစ်ယောက်သိအောင် လိုအပ်သလောက် စကားပြောကြည့်မယ် ။ ဒီထက်လေးနက်လို့ရပြီဆို အပြင်မှာတွေ့ကြည့်ရမယ် ။ ( တွေ့ကြည့်ရမယ်ဆိုတာ တည်းခိုခန်းတွေမှာ တွေ့ကြည့်ဖို့ မဟုတ်ဘူးနော် ) ။ မိဘတွေနဲ့ တွေ့ပေးကြည့်မယ် ။ အားလုံးသေချာ အိုကေပြီးဆိုရင်တောင် ဆေးစစ်ရအုံးမယ်နော် ။ အားလုံး အဆင်သွားပြီဆို လက်ထပ်ကြတာပြီပေါ့ ။ ဘယ်လောက် မင်္ဂလာရှိလိုက်သလဲရှင် ။

မပြောချင်ပေမယ့် ပြောရအုံးမယ်ရှင် ။ ကျွန်မတို့နဲ့ ခင်တဲ့ လူတစ်ယောက်ပေါ့ ။ သူမှာမိန်းမရှိတယ်။ မိန်းမလေးက သူ့ထက်လည်း တော်တော်လေးကို ငယ်တယ် ။ ချစ်ဖို့လည်းကောင်းတယ် ။ သူအကျင့်က ဟုတ်တာကော မဟုတ်တာပါ စကားအကြီးကြီတွေ ပြောတတ်တယ် ။ နောက် အရမ်းကို ချက်တင်ထိုင်တယ် ။ အလုပ်က ပြန်လာပြီဆိုတာနဲ့ ရေတောင်မချိုးနိုင်ဘဲ ကွန်ပြူတာ တန်းဖွင့်တော့တာပါပဲ ။ ချက်တင်ထဲမှာ နောက်ထပ်ကောင်မလေးတွေနဲ့ ရည်းစားဖြစ်နေတယ်လေ။ ဒါဘာထူးဆန်းလို့ ထင်နိုင်ပါတယ် ။ ဟုတ်ဒါအထူးဆန်းပါဘူး ။ ထူးဆန်းတာက တဖက်မိန်းကလေးတွေက သူ့မှာ အိမ်ထောင်ရှိတယ်ဆိုတာကို သိသိနဲ့ ပြန်ကြိုက်တာသတဲ့လေ။ သူ့မိန်းမကိုကြတော့ ထားစရာ နေရာမရှိအောင် တိုတတ်ပါတယ် ။ နောက်ထပ်ရည်းစားတွေထားတာ ၊ ကောင်မလေးတွေက သူ့မှာ မိန်းမရှိနေမှန်းသိသိနဲ့ ပြန်ကြိုက်တယ်ဆိုတာတွေကို ဂုဏ်ယူစွာနဲ့ ကြွားနေတာ ။ ကြားရတဲ့ ကျွန်မ အသက်ရှူဖို့ ခဏ မေ့သွားတယ် ။ ကိုယ်နဲ့ မဆိုင်ပေမယ့် မြန်မာမိန်းကလေးဆိုတာနဲ့ ကျွန်မနဲ့ ဆိုင်သလို ခံစားမိတယ် ။ မခံချင်တဲ့ စိတ်တွေက နှိုးကြွလာတယ် ။ သူ့ကို တစ်ခုခု ပြန်ပြောချင်တယ် ။ ပြောချင်တဲ့ စိတ်ကို ချုပ်ထိန်းလိုက်ရတာ တစ်ကိုယ်လုံးမှာ ရှိတဲ့ အာရုံကြောတွေ ခေတ္တခဏမျှ တုံ့ဆိုင်းသွားသလားထင်ရပါတယ် ။ အတွေးခေါ်တွေ တဖြေးဖြေး ဆင်းရဲလာတဲ့ မြန်မာမိန်းကလေးတွေ အတွက်ပါ ။ ဘာကိုမှ အလေးနက်မရှိတဲ့ ခပ်ပေါ့ပေါ့လူစားတွေကတော့ သူကို အထင်ကြီးချင်ကြီးနေကြမှာပေါ။ ခေတ်ကာလ မြန်မာမိန်းကလေးတွေရဲ့ အတွေးမှာ အယူဆမှားတွေကို သန့်စင်သွားအောင် ဘယ်အရာနဲ့ ဆေးကြောပေးရမလဲလို့ အခါခါတွေးမိတယ် ။ ရခဲလှတဲ့ လူ့ဘ၀ကြီးမှာ အနှစ်သာရ ရှိစွာနေထိုင်ဖို့ဆိုတာ ဆင်းရဲတော၊ ချမ်းသာတော ၊ တော်တာ ၊ ညံ့တာနဲ့ မဆိုင်ပါ ။ ကျွန်မတို့ တတွေ လူဖြစ်ပြီး လူပီတအောင် နေတတ်ဖို့ အရေးကြီးပါတယ် ။ ကြောက်ရမယ့် အရာကို ကြောက်ကိုကြောက်တတ်ရမယ် ။ ရှက်ရမယ့် အရာကို ရှက်တတ်ရမယ် ။ ထိန်းသိမ်းရမယ့် လူကျင့်ဝတ်တွေကို ထိန်းသိမ်းနိုင်ရမယ် ။ ဒါမှ လူပီတသူလို့ သတ်မှတ်နိုင်မှာပါ ။ အကျင့် သီလ ဂုဏ်ကျေးဇူးတို့နှင့် ပြည့်စုံသော မိန်းမကောင်းလေးတွေ မိသားစုတိုင်းမှာ ရှိနေပါလျှင် အိမ်သာ၏ ။ သီလသတီ = ကိုယ်ကျင့်သီလနှင့်ပြည့်စုံခြင်း ၊ မေဓ၀ိနီ = အမြော်အမြင် ဆင်ခြင်ဥာဏ် ပညာအလိမ္မာနှင့် ပြည့်စုံခြင်း ဆိုတဲ့ မိန်းမကောင်းကျင့်ဝတ်တရားလေးတွေကို မမေ့မလျော့ နှလုံးသွင်း ဆင်ခြင်နိုင်ကြပါစေ ။

မလေးရှားရောက် မြန်မာတွေရဲ့ လူနေမှု ပုံစံလေးကို ပြောချင်ပါသေးတယ် ။ ဒီနေရာမှာ ခိုင်လေး အကြောင်းလေး နည်းနည်း ပြောပြချင်ပါတယ် ။ ခိုင်လေး မလေးရှားမှာ ခုလက်ရှိနေပါတယ် ။ အမျိုးသားနဲ့ တူတူနေပါတယ် ။ တူတူနေတယ်ဆို မလေးရှားရောက် မြန်မာစတိုင်လို မယူရသေးဘဲ တူတူနေနေတာမျိုး မဟုတ်ပါ ။ တရားဝင်လက်ထပ်ပြီး လိုက်နေခြင်းမျိုးပါ ။ ခိုင်လေး အမျိုးသားရှိလို့သာ လိုက်နေရပေမယ့် မလေးရှားမှာ နေနေတာကို ခိုင်လေးမိဘတွေက လုံးဝ သဘောမကျပါဘူး ။ ခိုင်လေးတို့ အိမ်မှာ လုပ်စရာ အလုပ်တွေ အပြည့်ပါပဲ ။ အိမ်ထောင်ရှင် ယောကျာင်္းတစ်ယောက်ကို အဝေးမှာ ကြာကြာ တစ်ယောက်ထဲ ထားဖို့ မသင့်ဘူးလို့ မှတ်ယူတာမို့ သူနဲ့ တူတူလိုက်နေရခြင်းပါ ။ မလေးရှားရောက်တဲ့အခါ ခိုင်လေး အလုပ်လုပ်မယ်လို့ ပြောပါတယ် ။ အမျိုးသားက ပေးမလုပ်ပါဘူး။ သူများဆီမှာ တစ်ခါမှ အလုပ်အလုပ်ဘူးဘဲ အဆင်ပြေမှာ မဟုတ်ဘူးတဲ့ ။ လုပ်တတ်မှာလည်း မဟုတ်ဘူးဆိုပြီး အိမ်မှာဘဲနေခိုင်းပါတယ် ။ ဒီတော့ တစ်နေ့ တစ်နေ့ အိမ်မှုကိစ္စလေးတွေလုပ် ပြီးတာနဲ့ စာတွေဖတ် သတင်းတွေဖတ် ၊ စာရေး ဒါခိုင်လေး အလုပ်ပါပဲ ။ ခိုင်လေးမှာ အကျင့်တစ်ခုရှိတယ် ။ သိချင်တဲ့ အရာတစ်ခုကို သေချာလေ့လာတတ်တာပါပဲ ။ မလေးရှားကို ရောက်ပြီး မလေးရှားရောက်တဲ့ မြန်မာတွေ အကြောင်းကို လေ့လာဖြစ်တယ် ။ အသေးစိတ်ကို လေ့လာမိပါတယ် ။ တခြားနိုင်ငံတွေကို ရောက်ဖူးပေမယ့် ခုလောက် ကြာကြာမနေဘူးတာမို့ မလေးရှားရောက် မြန်မာတွေ အကြောင်းလောက်တော့ မသိခဲ့ပါဘူး ။ မလေးရှားကို ရောက်နေတဲ့ မြန်မာ ယောကျာင်္းလေးတွေ အကြောင်းကို အရင်ပြောချင်တယ် ။ အိမ်ထောင်ရှိသူတွေ ဖြစ်လင့်ကစား မလေးရှားရောက်တာနဲ့ *အင်ဒိုနီးရှား*မတွေနဲ့ တူတူနေကြတယ် ။ မြန်မာချင်းကြိုက်ကြတယ် ။ ချစ်သူဖြစ်ပြီဆိုတာနဲ့ တူတူအိပ်ကြတော့တာပဲ။ ကွဲသွားကြလည်း ဘာမှထူးထွေ မခံစားကြရသလိုဘဲရှင် ။ အတွဲ တစ်တွဲဆို တစ်မြို့ထဲ သားတွေပါ ။ နှစ်ယောက်စလုံး အိမ်ထောင်တွေပါပဲ ။ မလေးရှားကို ရောက်တော့ ဖောက်ပြန်ကြတယ် ။ တူတူနေနေကြတယ် ။ မြန်မာပြည်က မိသားစုတွေကတော့ ဒါတွေကို ပြန်သိမှာ မဟုတ်ပါဘူး ။ သိပ်ကို စိတ်ပျက်စရာကောင်းလှတဲ့ အဖြစ်တွေပေါ့ ။ လူတွေ လူတွေ ဘာလို့ သိရက်နဲ့ မိုက်မဲနေကြတာလဲ။ ဒီမေးခွန်းကို ကျွန်မ ရင်ထဲမှာ အထပ်ထပ်ကို မေးနေမိတယ်။အချစ်ဆိုတာ တစ်ကယ်ကို သိမ်မွေ့နူးညံ့ပြီး တန်ဖိုးရှိပါတဲ့ ခံစားမှုလေးတစ်ခုပါ ။ ဒီခံစားမှုလေးကို လူတွေက မဟုတ်တဲ့ နေရာမှာ အသုံးချနေတာကတော့ လုံးဝကို မဖြစ်သင့်ပါဘူး ။ အိမ်ထောင်ရေးတိုင်းမှာ အတွင်းကျိတ် ပြသနာလေးတွေ ရှိနေတတ်ကြပါတယ်။ ဒီလို ပြသနာတွေ ဖြစ်ကျတဲ့ နေရာမှာ ယောကျာင်္းလေး ကော မိန်းကလေးတွေပါ အေးဆေးစွာ ဖြေရှင်းတဲ့ နည်းလမ်းက အကောင်းဆုံး နဲ့ အဖြစ်သင့်ဆုံးပါပဲ ။ ဒါပေမယ့် ပြသနာတက်ချိန်မှာ ဘယ်သူက အေးအေးဆေးဆေး ဖြေရှင်း နိုင်မှာလဲ လို့ တွေးမိကြပါလိမ့်မယ်။ မှန်ပါတယ် ဒါပေမယ့် အတတ်နိုင်ဆုံးတော့ သွေးအေးအေးထားစေချင်တယ် ။ ဒီနေရာမှာ ဖြစ်တတ်တာလေးတွေကို တင်ပြချင်ပါတယ် ။

ရိုးသွားတတ်တယ်

အိမ်ထောင်သက်ကြာလာတာနဲ့ အမျှ ရိုးသွားတယ်လို့ မဟုတ်ပေမယ့် အပြောင်းလဲဆိုတာတော့ ရှိလာတတ်ပါတယ်။လူတစ်ယောက်က နေ့တိုင်း ကြက်သားဟင်းကို စားနေရပေမယ့် တစ်ခါတစ်ရံမှာ ငပိရည်တို့စရာလေးကိုတော့ စားချင်တဲ့စိတ်တွေ ၀င်လာတတ်ကြတယ် ။ အိမ်ရှင်မတွေအနေနဲ့ ကြက်သားဟင်းကို ကြော်တာလေးကတမျိုး၊ ချက်တာလေးကတစ်ဖုံ။သုတ်ပေးတာလေးက တသွယ် စားချင်စဖွယ်ဖြစ်အောင်တော့ ပြောင်းလဲမှုလေးတွေ ရှိပေးသင့်ပါတယ် ။ တခါတရံ စားချင်လာတတ်တဲ့ငပိရည်ဆိုတာ စားမိရင် မျက်နှာမှာ အဖုတွေ ထွက်လာတတ်သလို ၊ ဘ၀မှာလဲ အမည်းစက် အဖုတွေ ထွက်လာတယ်ဆိုတာကိုနားဝင်အောင် နူးညံ့တဲ့ နည်းလမ်းလေးတွေနဲ့ ပြောပြဖြေရှင်းသင့်တယ်။

သစ္စာမဲ့ခြင်းဆိုတာကို တရားဝင်ချိုးဖောက်မိကြခြင်း

အိမ်ထောင်တစ်ခုကို ထူထောင်တဲ့ နေရာမှာ မိဘပေးစားလို့ဘဲ ဖြစ်ဖြစ် ကိုယ်တိုင်ချစ်ခင်စုံမက်လို့ဘဲ ဖြစ်ဖြစ်၊ ဘယ်လို အကျိုးကြောင်းတရားတွေ ရှိနေပါစေ ကိုယ်ကို တိုင် လက်မှတ်ထိုး ပေးမှ တရားဝင် အကြင်လင်မယားဖြစ်ကြရတဲ့အတွက် ကိုယ်တိုင် စိတ်နဲ့ လက်ထပ်ဖြစ်ကြရတာပါပဲ ။ ညှိုနှိုင်းလို့ ဘယ်လိုမှ ကို မရတော့ဘူး ၊ မဖြစ်နိုင်ဘူးဆိုရင်လဲ ကွာရှင်းလိုက် တာက သိက္ခာရှိပါသေးတယ် ။ မပြေလည်တဲ့ အိမ်ထောင်ရေးကို အကြောင်းတွေပြ ဒီဘက်လဲ မရှင်း ၊ ဟိုဘက်မှာလဲ ဇာတ်လမ်းတွေ ရှာနေကြတဲ့ သူတွေတော်တော် များများကို မလေးရှားမှာ တွေ့နေရပါတယ်။ လက်ရှိ အိမ်ထောင်ရေးမပြေလည်မှုမှာ ကိုယ်ဘက်က မှန်ချင်မှန်နေပေမယ့် အိမ်ထောင်ရေးမပြေလည်လို့ပါဆိုတဲ့ အကြောင်းပြချက်နဲ့ ဖော်ပြန်တာတော့ သိက္ခာမရှိနိုင်ပါဘူး ။ တရားဝင် ကွာရှင်းပြတ်ဆဲခြင်းမရှိဘဲ ဒီလိုကျူးလွန်မိလိုက်တာဟာ မှန်ခဲ့တယ်ဆိုတဲ့ ကိုယ်အမှန်တရားတွေပါ အလကားဖြစ်ကုန်တာပါပဲ ။ ကိုယ် ဂုဏ်သိက္ခာတွေ ၊ ကိုယ်ကျင့်တရားတွေ ပျက်စီးခဲ့ရင် ဘယ်ပညာ ၊ ဘယ်ချမ်းသာမှု ကမှ မကယ်နိုင်ပါဘူး။ အဲဒီလို အခါမျိုးတွေမှာ မှန်ရှေ့မှာ ရှင် ရပ်လိုက်ပါ ။ မှန်ထဲမှာ ပေါ်နေတဲ့ ကိုယ်ပုံရိပ်က ရှင်ကို လက်ညှိုးငေါက်ငေါက်ထိုးပြီး အပြစ်တင်နေသလို ရှင် ခံစားရပါလိမ့်မယ်။ အချိန်မှီနေပါသေးတယ် ရှင် အမြန်ဆုံး သိက္ခာရှိတဲ့ လုပ်ရပ်ကို အမြန်ဆုံး ပြုပြင် ပြောင်းလဲလိုက်ပါ ။ ရှင်ကို ကံတရားက တစ်ကြိမ်တော့ ပြင်ဆင်ခွင့် ပေးပါလိမ့်မယ်။ ဖောက်ပြန်တယ်လို့ နာမည်တပ်ခံရတာကိုက လူတစ်ယောက်လုံးကို ရစရာမရှိအောင် သိမ်ငယ်သွားစေပါတယ် ။ မလေးရှားမှာ ပြောနေတတ်ကြလွန်းလို့ပါ ။ မြန်မာပြည်က မိန်းက ဘယ်လိုမကောင်းတာ ၊ မြန်မာပြည်က ယောကျာင်္းက ဘယ်လို ဆိုးတာ စုံနေတာပါပဲ ။ ဟုတ်ပြီ မကောင်းဘူး ၊ ဘယ်လိုမှ ညှိနှိုင်းမရဘူးဆိုရင် ကွာရှင်းလိုက်ပါ ။ ဒီလို မဟုတ်ဘဲ မကောင်းတာတွေ ဆိုးတာတွေကို အကြောင်းပြပြီး လက်ရှိ အိမ်ထောင်အပေါ် ဖောက်ပြန်နေခြင်းကတော့ ရုပ်ဆိုးလွန်းပါတယ် ။ ဆင်ခြင်နိုင်ကြပါဝေလို့ ဆုတောင်းမိပါတယ် ။

မိန်းကလေးတွေ အနေနဲ့လည်း ပိုက်ဆံလာရှာတာ မှန်ပေမယ့် မှန်ကန်တဲ့ နည်းမှန်လမ်းမှန်တွေနဲ့ဘဲ ရှာစေချင်ပါတယ် ။ ချစ်သူဖြစ်ပြီဆိုတာနဲ့ တူတူလိုက်အိပ်နေရမယ်ဆိုတဲ့ အောက်တန်းကျတဲ့ ပုံသေနည်းကြီးကို ကျွန်မတို့ မြန်မာမိန်းကလေးတွေ ထိန်းသိမ်းရမယ့် ကိုယ်ကျင့်တရားဆိုတာနဲ့ တွန်းလှန်တိုင်ထုတ်ပြစ်ကြရအောင် ။ ခုဆို ယောကျာင်္းတော်တော်များများပြောနေကြတဲ့စကားရှိပါတယ် ။ မြန်မာမတွေလည်း အင်ဒိုမတွေနဲ့ ဘာမှ မထူးတော့ဘူးတဲ့ ။ သိပ်ကို ရင်နာစရာကောင်းပါတယ် ။ မြန်မာပြည်ပြန်သွားတဲ့ လူုတိုင်းလိုလိုက နိုင်ငံခြားကောင်းကြောင်းတွေကိုသာ စီကာပတ်ကာပြောတတ်ကြပေမယ့် ဆိုးကျိူးတွေကို ချန်လှပ်ထားကြတာလဲ လူးသားမပီသ မှုတစ်ခုပါပဲ ။ အသက်ကြီးသူက ငယ်သူကို ထိန်းဖို့မပြောပါနဲ့ ကြီးသူတွေကိုယ်တိုင်ကိုက ထိန်းမနိုင် သိမ်းမနိုင်အောင် ဖြစ်နေကြတာ ယိုသူမရှက် မြင်သူရှက်ဆိုသလိုပါပဲ ။ ကဲ ကျွန်မတို့ ဘယ်လို ထိန်းကြမလဲ လူတစ်ဦးချင်း တစ်ယောက်ချင်းဆီက မိမိတို့ကိုယ်ကို တန်ဖိုးတတ်ခြင်းတွေနဲ့ ထိန်းမယ် ။ မိဘတွေ အနေနဲ့လည်း မိမိတို့ သမီးရတနာလေးတွေကို ငွေမျက်နှာတစ်ခုထဲကို မကြည့်ဘဲ နိုင်ငံခြားကိုလွတ် ငွေရှာခိုင်းခြင်းတွေကို သေချာဆင်ခြင်တွေးတောမယ် ။ တကယ်လိုအပ်တယ် လွတ်ရမယ်ဆိုရင်တောင် မိမိတို့ သားသမီးကို သေချာ လေ့လာပါ ။ မိမိရင်သွေးငယ်ဟာ ကိုယ်ကိုကိုယ် အမှန်တကယ် ထိန်းသိမ်းနိုင်ပြီလားဆိုတာကို လေ့လာပြီးမှသာ လွတ်သင့်ပါတယ် ။ အကောင်းဆုံးနည်းလမ်းကတော့ မိမိကိုယ်ကို ဂုဏ်သိက္ခာရှိအောင် နေတတ်ခြင်းဘဲ ဖြစ်ပါတယ် ။ ဒီနည်းလမ်းဟာ အကောင်းဆုံးနဲ့ အဖြစ်သင့်ဆုံးပါပဲ ။ နောက်ဆုံးအနေနဲ့ ပြောချင်တာကတော့ ယဉ်ကျေးတဲ့ ခေတ်တစ်ခေတ်ဖြစ်အောင် ကျွန်မတို့တွေ လက်တွဲညီညီ တည်ဆောက်ကြပါစို့ ။ သှူုဖက် ကိုယ်ဖက်မျှတစွာ စဉ်းစားတတ်ပြီး ကိုယ်ချင်းစာတရားကို လက်ကိုင်ထားတတ်သော ၊ နှမချင်းစာနာစိတ်မွေးမြူတတ်သော အမျိုးကောင်းသားတွေ ပေါ်ပေါက်ပါစေ ။ ဘုရားဂုဏ် ၊ တရားဂုဏ်၊ သံဃာ့ ဂုဏ်တို့ကို အထူးမှတ်ရှူတတ်ကာ မေတ္တာပွားများနိုင်သော အမျိုးကောင်းသမီးများသွာ ပေါ်ပေါက်လာကြပါစေ ။