“မတည့်အတူနေ” ဆိုတဲ့ တစ်ကိုယ်တော် အခွေ ထွက်ရှိထားတဲ့ ဆုပန်ထွာက သူ့ရဲ့
ဒုတိယ တစ်ကိုယ်တော် အခွေ အတွက်လည်း သီချင်းတွေ သွင်းဖြစ်နေပါတယ်။ ဆုပန်ထွာ က
သူ့ရဲ့ ဒုတိယ တစ်ကိုယ်တော် အခွေ အကြောင်းကို “ပန်ပန့်ရဲ့ ဒုတိယ
တစ်ကိုယ်တော် အခွေလေး လုပ်နေတာ။ ခုနစ် ပုဒ် ပြီးသွားပြီ။ ကျန်တဲ့ ငါးပုဒ်
ကတော့ မပြီးသေးဘူး။ တေးရေးတွေ ကတော့ အစုံပဲ။ ပေးတဲ့ သီချင်းလေးပေါ် မှာ
မု(ဒ်)သွင်းပြီး ဆိုလိုက်တာပေါ့။ သားသား ဆိုလို့ရှိရင် ပန်ပန် အင်တာဗျူး
တစ်ခုမှာ Perfect ဖြစ်တဲ့သူ တစ်ယောက် အကြောင်း ဆိုပြီး ဖြေလိုက်တဲ့ဟာကို
မပန် အတွက် Perfect Man လို့ရေးထားတယ် ဆိုပြီး ထုတ်ပေးတယ်။ တေးရေးတွေ ရေး
ထားတဲ့ ပုံစံကို ကြိုးစားပြီး ဆိုထားတာပေါ့ ။ ဥပမာ- ညီမင်းခိုင် သီချင်း
တစ်ပုဒ် ဆိုအေးအေးလေး။ ကိုဖိုးကာသီချင်း ဆိုလည်း အေးအေးလေး။ ပန်ပန် အကောင်း
ဆုံး ဖြစ်အောင် ကြိုးစားနေပါတယ်” လို့ပြောပါတယ်။ ပွင့်လင်းရာသီ ရောက်လာပြီ
ဖြစ်တဲ့အတွက် အောက်တိုဘာ တစ်လလုံး ခရီးတွေ ထွက်ပြီး ရှိုးတွေဆို ရ
မှာဖြစ်ကြောင်း ပြောတဲ့ ဆုပန်ထွာက နယ် ပရိသတ်ရဲ့ အားပေးမှုတွေ ကိုလည်း
“ပရိသတ်တွေက ဆုပန်ထွာလို့ ကြေညာ လိုက်တာ နဲ့ ပန်ပန်မဆိုရသေးဘူး။ လက်ခုပ်သံ က
အကျယ်ကြီး ကြားရတယ်။ ဒါ ပန်ပန့် အတွက် တာဝန် ပိုကြီးတယ်။ ပရိသတ်
လက်ခုပ်သံ အရင်ကြား ရတဲ့ အတွက် ပန်ပန် ပိုပြီး တာဝန်ကျေအောင် ကြိုးစား
ပါ့မယ်လို့ စင်ပေါ် မှာ အရင်ပြော တယ်။ ပြီးရင် အကောင်းဆုံးဖြစ်အောင် ဆိုတယ်။
တစ်ကိုယ် တော် အခွေထဲက သီချင်းတွေဆိုလည်း အားပေးကြတယ်။ ပန်ပန် မျက်ရည်
ဝဲလောက်တဲ့ အထိပဲ” လို့ ပြောပါတယ်။ ဂီတ၊ ရုပ်ရှင် အလုပ်နှစ်ခု
တစ်ပြိုင်တည်း လုပ်နေတဲ့ ဆုပန်ထွာက သူ့ရဲ့ အချိန် စီမံခန့်ခွဲမှု ကိုလည်း
“ဥပမာပေါ့- ပန်ပန် သီချင်း ဆိုနေလို့ ကားရိုက် ဖျက်လိုက်တာတို့၊
ကားရိုက်နေလို့ သီချင်းဆို ဖျက် လိုက်တာတို့ ဒီနေ့အထိ လုံးဝ မရှိအောင်
ကြိုးစားတယ်။ အဆိုနဲ့ သရုပ်ဆောင် ပိုင်းကို မျှအောင် ကြိုးစားပြီး လုပ်တယ်”
လို့ ပြောပါတယ်။
